By Marcelino McNoel Mo L’opinion suite a l’article posté lor ca page la, a propos bane compagnié de gardiennage et securité ! Ena boku compagnié securité ki pé poussé partout dan Maurice ! Pas coné kot zot gagn permis pou vine exploité et enrichi lor ledos bane ti dimoun ki pena travail et ki obligé tracé pou gagne ene repas pou li et so zenfan ! Bane compagnié la zot opere comme ene system de contracteur, zot gagn gran contract de gardiennage et securité avec bane gran compagnié et bane rich individuel ki paie zot gros somme d’argent, et zot employ ti dimoun pou ene salaire minable ! Salaire ki zot payéla pa meme coute zot la moitié c ki zot encaissé ar zot clients ! Zot offre Rs8,000 par mois, a prendre ou a laisser ! 28 jours et 12 hrs/jour = Rs.285/jour et transport non remboursable ! Si ti dimoun la rest loin ar so lieu de travail li bizin sorti so lakaz 2hr avan pou li rentre travail dan l’heur so shift (night shift ou day shift). Donc 12 hrs+4hrs= 16 hrs temp par jour pou li gagn Rs.285 transport inclu. Moi mo appel ca Esclave Modern, Exploitation dimoun pauvre pou zot vine pli rich ! Tou lezour zot met annonce offre d’emploi de securité lor journal parski zot gagn dimoun pou fair ca travail la zis 1 ou 2 mois apré bizin bourré ! Compagnié tou letan roule ar nouvo employé tou lé 2 mois ! Bane gros requin la zot profite lor le dos ban pauvre parski dans Maurice pena oken la loi ki fixé salair de base ki ene employeur bizin payé kan zot employ en dimoun ki merite so Due ! donc zot paie c ki zot envi et si ti dimoun la pena manzé dan so lakaz, li obligé travail meme pou Rs.200 ! Vive l’ile Maurice modern et so bane la loi que pour les riches ! Thnx for reshare this Mopays
Posted on: Sun, 21 Jul 2013 08:58:52 +0000
Trending Topics
Recently Viewed Topics
© 2015