By. Rev. Biak Chhunga Vawiin June 23, 2013 tana Pathian thu—Galatia 3:26-28 26Krista Isua rin avângin Pathian fate in ni vek si a; 27in zînga Kristaa baptisma chang apiangte kha Krista chuan in inthuam tawh si a. 28Chutah chuan Juda mi a awm theih loh va, Grik mi pawh a awm theih hek loh; chutah chuan bawih a awm theih loh va, bawih lo pawh a awm theih hek loh; chutah chuan mipa leh hmeichhia pawh a awm theih loh; Krista Isuaah chuan in zain pumkhat in ni si a. Ngaihtuahzawm atan Kristiante hi inkhuangrual lo takin kan darh nuaih mai a. Liberal, conservative, Republican, Democrat, puitling leh naupang, kohhran hming vuah chi hrang hrang, hnam leh vun rawng chi hrang hrangin kan inthen darh nuaih mai a nih hi! Chuti chung chuan Kristaah pum khat kan ni kan ti. Kan Pathian thu ngaihdanah leh Pathian kan biak duh danah chuan pum khat kan ni lo tih erawh a chiang. Ngaihdan hmun khat kan neihna leh min phuar khawmtu ber chu Isua Krista chu Lalpa a ni tih kan pawm tlanna hi a ni. Kristaah chuan rinnain Pathian fate kan ni vek a ni. Kan ngaihdante inang lovin a chang phei chuan han insual (fight) thin mah ila, min phuar khawmtu chu min tihrangtu aiin a chak zawk tih kan hria. Kan nunhonaah hian Kristaa kan inpumkhatna hi uar zawk fo thin ila a va duhawmin a va tha dawn em! Kristaa ka unau tih theih loh i la nei em? Ti thei turin eng nge i tih ang? Tawngtaina Min tipumkhattu Pathian, min tihrangtu lam aiin min tipumkhattu Krista hmangaihnaah ka thinlung ka nghah theih (focus) zawkna turin mi pui ang che. Krista taksa chhungah inpumkhatna siamtu ni turin mi pui ang che. Amen. Like · · Share. 3 people like this.. Write a comment...
Posted on: Sun, 23 Jun 2013 20:45:46 +0000
Trending Topics
Recently Viewed Topics
© 2015