CAMBODIA: NATIONAL DAY OF PRAYER AH MITTUI NEN KA TEL VE A... ( My people who are called by My name humble themselves and pray and seek My face and turn from their wicked ways, then I will hear from heaven, will forgive their sin and will heal their land - 2 Chronicles 7:14) July 1: Vawiin dar 8am-5pm thlengin Cambodia kristian pawl thenkhat chuan National Day of Prayer tiin hun an hmang a, Phnom Penh khawpuiah chuan International Christian Fellowship (ICF) - Church ah leh International Christian Assembly (ICA) -AoG Church ah hun hman a ni. Kei erawh ICA lamah ka tel. ICA lama hun hmang tute hi National Council of Christian Network (NCCN) hnuaia kohhran pawl - denominational hrang hrang telna niin, an ram sorkar Ministry of Religions & Cults pawmpui an ni. He NCCN President hi Rev. Vibol Uong niin, The Bible League of Cambodia-Indochina ah Ditector a ni a, Ministry of Religions & Cults-an ram sakhaw hrang hrang enkawltu ministry ah mawhphurhna pawimawh tak a chelh bawk. 2006-ah communist Laos khawpuiah kan in hmu a, an ram -Cambodiaa rawngbawl tura min sawmtu leh khawvela Cambodian-Khmer ka hmuh hmasak ber, vawiin thlenga ka thian tha leh unaupa ang a ni. Chawma lam- first session ah Ministry of Religions & Cults a Secy of State Mr. Plau Phan chu khuallian ang deuhvin a rawn tel ve bawk. He National Day of Prayer ah hian ICA Church lama tel chu mi 250 bawr vel niin, tlai dar 5 pm thlenga tel tluan chhuak chu mi 150-180 vel an ni. Phnom Penh khawpuia Pastor leh kohhran hruaitute an ni deuh ber. An tawngtai thupui chu I thu angin lo thleng rawh se tih a ni a, prayer points/subj hlawm lian: (1) Government-King, Senate, National Assaembly, PM & Cabinet, Courts (2) Government services- Ministries 11 tan (3) Community/Society -points 7 (4) Churches/Missionaries, Christian NGOs tan- points 7. Cambodia kristiante zingah mahni inveina an nei tan ve mek a, a lawmawm. Chutih rualin khawvel hmun hrang hrang atangin kohhran- denominational hrang hrang missionary an lut nasa hle a ni. 1990s chho atanga Communist atanga democracy an lo nih khan, buh lu chuhin khawvel hmun hrang atangin kohhran leh NGOs angin missionary an lut hnem hle tawh a, Mizo te ngei pawh Pathianin a ram din nan kan tel ve phalin, Mizo missionary 25 vel kan lo lut ve ta reng mai! Civil War kum 25 zet vanga mahni leh mahni inthah chiamna ram, Ezekiela 37 ang deuhva ruh ro chang ti ti tih, Cambodia ah Pathianin thilthar a ti mek a; khawvel pawhin enge thleng mek ngaihvenin a thlir reng a ni. Mihring 14.5 million velah 97% Buddhist an ni. Kristian hi 1.7% vel angin an insawi a, an pun chak em avangin thenkhat chuan 4% awm tawh hialin an insawi. Khawvela kristian pun chakna ber ram 5na a ni mek. Bawkkhup leh thingthi, ding chunga ban phara an ram tan an han tawngtai hmuh chu avan nuam thin em. Mittui a far tir lo thei lo! Chutiang hun hmang ve theia ka awm chu, ka hlimin ka lawm hle a ni. Kristiante zingah sorkar pawm ram pum huap-Council 4 vel awmin, anmahni zingah hruaitu lama harsatna awm avangin, Setana chuan inthikna thlarau hmangin a bei mek a, tawngtaipui an ngai. May God Bless Cambodia!
Posted on: Tue, 01 Jul 2014 15:19:30 +0000