...CATHOLIC PRIEST MARRIAGE.. De Vatican fit begin dey discuss marriage for Catholic priests .News wey don reach ground wey we dey land for yan domot be say de Vatican fit begin dey discuss marriage for Catholic priests Long long time ago even before our grandparent born our great grand parent, plenti plenti decades ago,de Catholic Church tradition na for priests to comot dem hand for Marriage. De Canon Law of de church yan say, “Clerics dey obliged to observe perfect and perpetual continence for de sake of de kingdom of heaven, and therefore dey bound to celibacy, wey be special gift of God by which sacred ministers fit adhere more easily to Christ with undivided heart and dey able to dedicate demselves more freely to de service of Baba God and humanity.” That is to say dem go gat dey pure and comot dem eye to dey marry. Now see wetin don dey ground. News Express on Thursday report say Archbishop Pietro Parolin, wey be de incoming Number Two leader for de Catholic Church when ihn become de secretary of state next month, don declare say priestly vow of celibacy wey derive from de age-old rule no be de Catholic dogma. “No be de dogma of de Church and we fit discuss am because na ecclesiastical tradition ih be,” Archbishop Parolin tell El Universal for Venezuela, where ihn dey complete ihn term as Papal Nuncio. De number of priests don dey go down on to de rule of celibacy. For de United States alone, about 30,000 priests don comot bicos dem wan pursue relationship mata. “I think dis go be one ogbonge conversation we gat look into,” Thomas Groome, de professor of theology for Boston College, USA, yan interviewers. “I think Catholics, certainly American Catholics, but Catholics of de world, don dey wait for dis kyn conversation.” Groome yan say de idea of complete celibacy among de clergy only start to become standard practice for de 11th, 12th, and 13th centuries. He also yan say, “As far as we fit tell from de Gospels, all of de apostles dem marry, except from John. Hmmm.. So wetin go come dey shele now be say dem want make catholic priest begin dey marry, as ih take be so, wen conversation begin for de mata catholic priest go begin dey marry. ¤OGBONGE NAIJA¤ Twitter @OgbongeNaija
Posted on: Fri, 13 Sep 2013 16:28:05 +0000
Trending Topics
Recently Viewed Topics
© 2015