CHAKMA THLAVANG EM NI KAN HAUH TAK FO.?? (MZP Trang fan fan...) -Zobiakvela (Masena) Mihring inthlahchhawn theih dan phung piah lama Chakma mipui pung chak lutuk hrechiang tura an hnam pual chhiarpui (Census) Central YMA-in neih a tum leh, Minister of State Dr. BD Chakma chu India ram danpui hnuaia chhe chham meuh va thutiam la chung si a, Chakma District Council (CADC)-a Bye Election (MDC) neih tur ti buai a, thrulh tirtute zinga a mei zang hlaptu ber a nih avangin, CYMA chuan ‘anti government activity’ a ni tiin, ban tir turin an nawr kha a ni a. (chu thil chu Chief Minister erawhin a la ngaihtuah chhin eih lo va...) Hetih lai hian Chief Minister leh a nau, Pu Lal Thanzara bakah Home Minister Pu Lalzirliana te chuan, NGO pawl thenkhata inhmang te chu, namên lo vin an ral sai a, an kâwk a, an kap a, an tawk sil zo ta nge, ka hrethiam lo. Chakma census neih chu sorkar nena thawk duna ‘Village Population Census” Mizoram khawtina hmalak tum zâwkna chu a lo piang ta daih mai nia..!!! Kum 1990 chho khan Pu Lalkhama Chief Secretary khan village population census-nei turin ruahmanna a lo siam tawh a. Kum 1993 a congress sorkar khan mumalin a chhunzawm si lo va. Kum 1998 a MNF an rawn sorkar khan Home Minister, Pu Tawnluia khan thar thawhin, YMA nena tangtlangin a bu-a uluk zawka vawn anih theih nan, ‘a kawm sen’ leh a ‘pawl’ chu Home Dept.-in a buatsaih a. Central YMA Press ah chhut tir a ni nghe nghe. 2008 a MNF Sorkar a tlak khan Congress sorkar chuan chhunzawm lo vin, an ti hlamzuih ta reng a!!. 2008 Congress Election Manifesto ah erawh ‘Village Population Register’ buatsaih an telh thung. Mahse, Congress sorkar chuan a taka hmalak tumna an neih tâk chuan loh avangin, Central YMA Press-a chhutsa pawh chu dah-trawl ngawt aiah, a chhutu central YMA kutah an dah ta ringawt a. Hemi chungchangah hian congress sorkar hian kut a sil a ni ta ber!. Hetih lai hian CYMA-in Chakma pual chhiarpui (Census) neih a tum leh takah, congress sorkar-in an ngaihven zui duh hauh loh hnu, ‘Village Census Register’ chu CYMA-in boruak thar a neih pumpelh ‘divert’ nan ruahmanna neih tum niawm takin a lang leh ta a. Hetih rual hian, Home Minister, Pu Lalzirliana’n House-a bill pu luta pass phawt ni se, tia a sawi hi Central YMA duhdan ti khawtlai a, pawh fân tumna ni ngeiin a lang thei a. Chuvangin, Chakma foreigner dap chhuak tura hmalakna chu tih khawtlai ni dawnin a lang leh ta a ni. Tun hma zawng pawha Chakma pung chak lutuk, enfiah tura hmalak tumna nei eih lo te’n thalai movement a awm avanga ‘a tual dawi-a’ an tranna chhan hi zirchian zui a ngai a, an tih ni si, ni si lo anga lan leh fo te hi man thiam a ngai ta mang e. Hemi kawnga hma la duh hauh lo te’n, ‘kan ti dawn’ tia an sawi hi rin ngam a harsa thei dawn ta hle a. “Foreigner te chu an ramah kan thawn haw zel ang,” titu leh, Police officer thenkhat an mahni hnathawk tura constable chhawr thin; a hriat thu sawi chhuak fo va, hrem ngam chuanglo Home Minister thu sawi hi Mizo mipuite tan innghahna tlak ni theiin a lang em.? Anihna takah chuan Chakma te hi “congress vote bank dik tak,” an ni a. Kumin 2014 MP inthlan result-ah khan a chiang reng. Lalna leh thuneihna an chan dawn phawt chuan, vawiin leh nakin hnua Mizo hnam tana hnawksak tur an ni tih hre reng chung pawha hum duh tlattu kan nei ang tih hi a hlauhawm em em. An Autonomous District Council (CADC) pawh “kan pek cheu a ni,” tia inchhuang thin zawkte hian Chakma foreigner te hi an ngaimawh hauh lo vang tih hi a rin theih a. MZP-in tuna an nawr mek Chakma zirlai mi 38 zet Indigenous ni anga an sorkarin a pawm/ngaihna boruak hi, kan trahpui dawn nge, kan thin a rim ang tiin, ngaihtuahna sen a trul ta a ni ber. ............................
Posted on: Sat, 27 Sep 2014 08:25:31 +0000
Trending Topics
Recently Viewed Topics
© 2015