CHANTAWKA LUNG AWIH Mihiem khat chun tup leh dawih khat inei chiet a, idinmun zil leh ilunglut dana zilzel in itup le dawih vang akibang vekthei khel puoi. Thingtangpa Bi In sa-thak khat in atup muolsuoh leh a duhthusam lawhtinga kingaia chantawka kipaktaka hinkhuo amat theih lai in. Khuopi sunga ahausa pawla migen, Paca building sawng 3 hawihtak sadawk tu, mahni phailo san ngei ne a nichenga anawp dan dan a khawpisunga Car a kithawlhviel ziengthei khat chu, lawhsam tak leh chantawka lung lungawi zolo hiel le aumthei daih hi. A ziek chu atup a muolsuoh lohziek ahihtheih ban ah, aphuloh tieng atup ziek ahithei a, chule duh-am takluot zieka chantawka lungawi theilo leh adang dang ahithei bawk. Chawntawka lungawi kiti chu Atup muolsuoh zo te ading chauh hilo in, a theihna cheng cheng leh alemhetna tawpkhawk asen nunga aphak zawhna tieng tieng a lung-awi thei te chu, mivangpha chantawka lung awi thiem te ahi sek ui. Vangsiet vangphat thu zieng ale mihiem bawltheihna khela Pathien lemguot dan hethiemte chu Chantawka lung awi thiemte ahi sek ui. Mahleh Chantawka lung awih vak takluot chu lawhsam na ahi thei zel hi, aziek chu Mihing in tupna aneih san leh sanloh dungzui zel in apan lakdan le akikhe deuh zela. Min adinmun hawmthawh henla, adinmun sanga sangzaw tup henla ze athiltup chu supiting tei ding in pan nasatak in lale lawhting zo mah mah dinglai, Chantawka alung awih vak takluot zieka adinmun khela sanga ki langkai zotalo te ding in vang, chantawka lung awih chu lawhsapna le ahi thei zel hi. Ze ziek tak hin mi mitmuha chantawka lung awi thiemtak guola hilang tamtak te haw hih, aguk in aki awi zo tak tak diek hielpuou a. Chengkawl pangsuol in tuitaw abel hi, tihdan deuh a, Chantawk a lung awih limthawh mai mai mi tamtak aum him ui.
Posted on: Thu, 28 Aug 2014 10:45:20 +0000