CITOM mikita ug 6 Milyon sa bulan sa Oktubre! (CEBU CITY - Public Information Office) Nakakolekta ug Php6,019,287.50 ang Cebu City Traffic Operations Management kon CITOM sulod sa tibuok bulan sa Oktubre ning tuiga. Ang maong kantidad gilangkoban sa mga nagkadaiyang mga bayranan ug multahan sa katawhan pinaagi sa mga balaod nga igo lamang gipatuman sa mga kawani sa CITOM. Kini gikan sa Administrative Penalty - Php1,519,240.00; Smoke Belching - Php1,000.00; Testing Fee - Php125,150.00; Travel Line Fees – Php51,200.00; Road Parking Permit Fee – Php16,600.00; Motorcycle for Hire Permit Fee Php8,032.50; Motorcycle for Hire Fine – Php51,150.00; Trisikad Fee – Php158,000.00; Clamping Fee – Php415,280.00; Impounding Fee - Php142,525.00; Towing Fee – Php7,700.00; Pay Parking Fee - Php3,242,800.00; Jaywalking Fee - Php150,700.00; Police Report - Php69,220.00; Bicycle Registration Fee – Php15,420.00; Sticker Fee – Php7,420.00; ug Drivers/Vehicle Clearance Fee - P37,850.00. Dugang pa, mitaas ang nakolekta sa CITOM sa bulan sa Oktubre 2014 kung itandi sa milabayng bulan sa Septiyembre 2014 nga miabot lamang ug Php5,933,505.00. Samtang mas dako usab ang nakolekta sa maong buhatan kung itandi kini sa susamang bulan sa milabayng tuig Oktubre 2013 nga mikabat lamang ug Php5,460,939.49. (Ni: Greggy Jiggs P. Senados/Cebu City PIO)
Posted on: Wed, 05 Nov 2014 01:12:48 +0000
Trending Topics
Recently Viewed Topics
© 2015