CITY DEVELOPMENT COUNCIL MEETING GIPAHIGAYON Aprobado na sa City Development Council (CDC) ang “Amended 2014 Annual Investment Plan (2014 AIP)” ug “Comprehensive Land Use Plan (CLUP) of Dipolog City for Calendar Year 20122-2030” atol sa gipahigayong City Development Council Meeting kagahapong adlawa, Setyembre 16, sulod sa SP Session Hall, ning dakbayan sa Dipolog. Ang maong kalihukan ang gidumala mismo ni Mayor Evelyn T. Uy diin gitambongan kini sa mga Barangay Chairmen sa 21 ka barangays ning siyudad ug mga hingtungdang ahensiya usab sa kagamhanan. Gawas pa niini, gituki usab sa council ang “Proposed Zoning Ordinance” diin temporaryo kining gi-endorso ni Konsehal Praxides Rubia ngadto sa Sangguniang Panlungsod ning dakbayan sa Dipolog alang sa dugang pagtuon sa maong balaodnon. Kini ug daghanan pang mga hilisgutanan ang gihatagan ug dakung pagtagad isip pagpangandam sa SWIGAPORE 2030 Vision sa siyudad diin buot ni Mayor Uy nga mamahimong God-Centered, Peaceful and Self-Reliant Super City ang dakbayan sa umaabot tuig 2030. Kahibaloan nga tumong ug tinguha niining CLUP mao nga molahutay ang paghatag sa kasaligan ingon man bastanteng nag-unang mga serbsiyong sosyal, imprastraktura ug mga ekipo, paghatag ug pagtagad aron ma-proteheran ang rekorsus naturales dinhi, mokunhod ang kadaut nga dala sa mga kalamidad unya, ug masiguro nga mohatag gayud ug episyenteng pagdumala ang City Government ning siyudad, pinaagi sa pagpundar ug usa ka lig-ong suporta ug pagtinabangay tali sa mga stakeholders dinhi. Nunot niining maong kalambuan, gilaoman ni Mayor Evelyn T. Uy nga mamahimong major trading hub ang siyudad sa umaabot nga mga katuigan, diin adunay matuod nga kausaban sa personalidad sa mga katawhan, kalinaw, panagdait, prosperidad ug seguridad nga maghari aron mapa-ambit sa tibuok lalawigan sa Zamboanga del Norte ug Zamboanga Peninsula ang kalambuan nga matagamtaman unya sa dakbayan sa Dipolog. (CIO-ACA)
Posted on: Thu, 19 Sep 2013 11:16:22 +0000
Trending Topics
Recently Viewed Topics
© 2015