CIVIL SERVICE COMMISSION-AKLAN, UMAN NGA MAGAHIWAT IT EKSAMINASYON by: Dante Torcuator Kalibo, Aklan – Uman nga magapatigayon it eksaminasyon rong Civil Service Commission sa probinsya it Aklan. Suno kay Dir. Cynthia Aranas it CSC-Aklan nga sa maabot nga Oktubre 13, 2013 gintaeana rong nasambit nga eksaminasyon sa daywa ka mga level rong Professional ag Sub-Professional. Buean pa eamang it Hunyo hay nag-umpisa eon sanda it pagbaton ko aplikasyon ag maga tapos raya sa Agosto 30, 2013. Sa makaron hay may una eon nga 1, 700 rong kabilugan nga nag-apply, 1,300 sa professional ag 400 sa sub-professional ag basi maga abot pa raya sa 2000 o subra sa gintaeana nga deadline. Ginpa-abot man ni Aranas nga sa mga gusto pa magbuoe it exam hay mag adto eon lang sa anda nga opisina it mas temprano para nga ma instraksyunan it tama parte sa requirements ag indi mag gutok sa andang opisina.
Posted on: Wed, 28 Aug 2013 22:16:47 +0000