CONCLUDING POINTS OF ONE DAY THEOLOGICAL INTRACTIVE SEMINAR CUM INTENSIVE DISCUSSION PROGRAM: Please read: Introduction: Ninglum Wungkhai, Director TNBTA & IMBM na samkaphangtui kala Discussion Program hiwui kharin hangmida kazip hi haophoka. Discussion program hi resolution khuikhavai table maningmana kha theological topics kala relevant Tangkhul issues bing hi kachang kachida akhasida pamngarumda phaptangarum khavai discuss saching khavaina. Ukhrul li leida khalei pastor, mission worker, Bible student 60 na razangda kazip hi ringphalak eina kuikaya. Rev. Remember Remai na first session “The Church Role on social Issues” hi meikhaimida chiwui thili yaruina thuklak eina discussion sada azingwui points bing hi Tangkhul ngacheikhavai hangmingaroka. 1. Tangkhul li shokda khalei Gun power kala boom culture hi ngasamkhavai church kajivana kala Vareshinao kachivana prophetic voice sada khavao mang maningla panglak eina otsaphalungra kaji hangaroka. 2. Pastorbingna issue binghi mathameida theiphalungra kala pastor wui administration mathameida singpaikhavai Churchwui Deacon bingli training khami phara kaji hangaroka. Marama, pastor eina laymen deacon bing hi phap matakhangarok wui vang church administration shoikahai kachungkha shoka. 3. Society makhaongasakda khalei ari-arai kashai, jamkhor khayor hikatha hi ngashung khavai churches, longnaobing, kala NGO bing hi khangasik tarkar salak haira kaji phongsoka. 4. Town hili leida khalei churches hiwui seat hi Sunday ngathor 15,000 mang mibing kazip kapai conditionli leihaoda church chungmeida haokaphok kala Evangelist chungmeida kashok hi tarkar sahaira. Marama, Ukhrul Town hili about 1 lakh sakha okthuidalei. Mibing chilli Sunday ngathor kaji churchli kangasakra khala kaji ngahan ngaroka. 5. Theologian katonga ngarumda fasting program kakhui tarkar sahaira kaji phongshok ngaroka. Second session hi Rev. Somi Kasomwoshi, Pastor UTBC na “The Journey of Tangkhul Baptist Church” kaji tuipong hi Awo William Pettigrew na Tangkhul kaphungli chotlak eina mission work haokaphokwui khararchan kuplak eina hangmida Tangkhul wui mirin YESTERDAY, TODAY, AND TOMARROW kaji mathalak eina kasatsangmida leishilak eina khanuithobingna nganamida Vareli ningshia. Tangkhul wui future hili yarui saikorana kharing kharak hi mathamei khavai azingwui points hi share saruma. 1. Tangkhul Baptist Churches hi spirituall, economically dependent eina maokthuiluila independent eina okthui khavai Church eina leisak (Bussiness) hi mathameida sakhavai hangmingaroka. 2. Tangkhul wui churches hi mangli, superstitionli, vision hili marinla Biblena hangda khalei chilli nganalada ringkhavai hangmingaroka. 3. Tangkhulli TBCA kala TNBC leida khalei hi ningkachang teomeikha ngateilala leikashi kala katom khangarok hili pheisin sada ringva khavai opinion mingaroka. 4. Tangkhulwui naongarabing hi Biblical doctrine (Baptist believe) hi mathameida tammi khavai tarkar kasa hangaroka. Marama, Baptistwui naongarabingwui kuingatokli Catichism kala SDA wui Dogma mang zanghaira. Biblical doctrine hi maleithura kaji malung kharing phongshoka. 5. Baptist wui school bingwui principal bing hili Associationbingwui kathanbingna co-operate leingarokda School syllabus hili biblical moral science hi mathalak eina kapimida tamkhangasak tarkar sahaira. Hindu wui moral Sceince hi matam khavai sasa kaji hangaroka. Hithada khamatha opinion mingarokda every month Discussion hi organize sami khavai yaruina TNBTAli poda December 20 (Saturday) hili atam kakluihaira.
Posted on: Fri, 14 Nov 2014 10:53:48 +0000
Trending Topics
Recently Viewed Topics
© 2015