CULMINATION PROGRAM SA ROTARY YOUTH WEEK MALAMPOSONG NAPAHIGAYON Nagmapasalamaton si Dipolog City Vice Mayor Horacio Velasco gumikan sa malampusong pagpahigayon sa Culmination Program sa Youth Rotarian sa milabayng Setiyembre 13, 2013 didto sa Sangguniang Panlungsod Session Hall. Kahibaloan nga si Bise Mayor Velasco ang mihatag sa iyang mensahe alang sa mga youth Rotarians atol sa maong kalihukan kinsa gi-instalar isip mga city local officials niadtong nakalabay’ng Setiyembre 9-13, 2013, diin ang matag-usa ang nakapakita ug igong interes sa matag buhatan nga gi-assign kanila. Matud pa ni Velasco nga siya ang nagalaom nga kining maong mga youth officials ang mamahimong malampuson dinhasa ilang pagpaninguha alang sa ilang ugma damlag. Lakip nga gisaysay ni Velasco nga padayong mi-usbaw ang dakbayan padulong ngadto sa kalamboan diin mao kini ang katumanan sa damgo sa City Government latas ngadto sa Swigapore 2030, diin ang Dipolog ang mamahimong God Centered, Self Reliant, Peaceful Super City. Kini ang makab-ot lamang pinaagi niining mga kabataan nga gitabangan ug umol karon sa ilang mga ginikanan, tulunghaan, pipila ka NGOs ug sa gobiyerno. Kahibaloan nga mikabat ngadto sa 28 ka mga Youth Rotarian City Officials ang milingkod isip opisyales sa dakbayan sulod sa lima ka adlaw, diin ang tagsa-tagsa kanila ang mihatag sa ilang impresyon kabahin sa ilang kasinati-an. Kasagaran kanila ang nakasulti nga nakahatag kini ug lahi nga lakang alang sa ilang kinabuhi. Subay sa nasangpit nga kalamboan, nakadayeg ang inahan ning dakbayan ngadto sa mga kabataan nga duna’y kaasgot nga makahibalo sa tinu-oray nga pamalakaw sa kagamhanan. (CIO-MECC)
Posted on: Thu, 19 Sep 2013 11:16:55 +0000
Trending Topics
Recently Viewed Topics
© 2015