Cagayan de Oro City Info Network CDRRMC Advisory as of 5PM, Nov. 26, 2014 • Basi sa pinaka-ulahing advisory sa Pag-Asa sa alas 4:30 sa hapon ang TD Queenie gikatakdang mulabay sa Misamis Oriental / Cagayan de Oro mga alas 10:00 ngadto sa alas 12:00 sa tungang gabii. Ang high tide kon pagtaob gikatakda sa alas 12:15 sa kadlawon. Busa giawhag ang tanan sa pag-alerto. AYAW KATULOG! • GIpailawom na sa CODE ORANGE ang pipila ka barangay sa Cagayan de Oro City sa alas 5:30 sa hapon gikan sa CODE YELLOW, Kini mao ang Brgy Bugo, Agusan, Tablon, Cugman, Gusa, Macasandig, Nazareth, Consolacion, Puntod, Macabalan, Brgys 7.10,13,15,17, Balulang, Carmen (Acacia ug Tambo), Kauswagan, Bonbon, Iponan, Pagatpat, San Simon, Canitoan ug Bulua. *PREEMPTIVE EVACUATION na. Buot pasabot kadtong mga “vulnerable sectors” sama sa buros, bakol, tigulang, mga bata, kababaenhan ug masakiton giawhag sa pag-bakwit na gikan sa mga bahaonong lugar. • Gimandoan ang mga BDRRMCs sa pag-rekorida inabagan sa Bureau of Fire Protection. Giawhag ang tanang katawhan sa pagsunod sa mando sa BDRRMC. Kon muingon nga bakwit na, bakwit na dayon. Palihug ayaw na maglangan. • EVACUATION CENTERS. Sayron asa ang mga evacuation centers nahimutang sa matag barangay. Giawhag ang tanan sa pag-diretso na sa mga evacuation centers. (listahan sa mga evacuation centers masayran gikan sa inyong mga BDRRMCs ug dinhi sa Cagayan de Oro City Info Network, CDRRMC CDO ug CDOinfonet GROUP) • VOLUNTEERS SAMA SA PRIVATE RESCUERS, NURSES, ETC. Kadtong buot mutabang sa pag-rescue, pag-preparar sa mga relief goods, pag-areglar sa mga evacuees ug uban pa – palihug ug pa-rehistro sa buhatan sa CDRRMC alang sa hustong deployment.
Posted on: Wed, 26 Nov 2014 14:25:56 +0000
Trending Topics
Recently Viewed Topics
© 2015