Chii beidek chihtoh kisai thu hi thuthak ahi kei a, apaidan tangpi hiaibang ahi. Hichi bang rumour a om a, mipi a patauh chiang un store ah tai in seer tampipi avalei ua, huchia khatvei thu ami tampi petmah in quantity tampi stock honsawm chiang un a stock pumpi lei bei theih tatak a, chii bei chihtheih hong suak hi. Hiai ahi self-fulfilling prophesy ahihna. Hiai bang in bank bangah le sumbei chihdan omthei mawk hi. America khawng ah bank-runs achi mai ua, apaidan kibang ahi. Bank ah sum a om a, hilele assumption tuh avakoih lut pawl omdi, alakhe pawl le omzel di, huchia balance di chih ahi. Bank runs omchiang in mipin bank te muanglou, puukse dia gingta. Huchih chia a deposit teng uh avek a lakkhiak honsawm vek chiang ua bank te pukse tatak. 2008 financial crisis lai in hiaibang dinmun tungman phial hi. Hiaibang dinmun bel governance crisis hiam financial crisis hun, mipin vaihawm tute muanna aneihlouh deuh hunchiang un tung nuamdeuh hi. Mipi te lungmuang in patau kei lebel a pukse di omlou. India ah bel election dek chiah, ruling government te suk minsiat na din. Hiai bang a rumour bawl, hoarders te matkhiak vek a, tawzeep ziakzial tuak ahi.
Posted on: Fri, 15 Nov 2013 08:41:04 +0000
Trending Topics
Recently Viewed Topics
© 2015