Chinram A Ra Naih Ta ! Tuisun the Voice thuthang ka siar mi ah Kawlpawl in an mai nunphung le sakhua humhimnak dan ( Myosuagh Upadi ) cu tuah suah dingin nor nasa ti thu a si. October 30, Mandalay ah minung ting 1 luanin cui dan cu tuah suah zang dingin lamzawhnak an nei ih, kan hmai December 6 ni ah Kalaymyo sungah minung thawnghra leng loin lamzawhnak an nei sal ding a si. Chinram a ra naih ta! Hi Kawlpawl dan ah hin 1. Neihawknak dan, 2. Biaknak ( sakhua ) thlengawk thei dan, 3. Nupi pakhat Pasal pakhat lawng neih ding dan, 4. Cithlah tam lo ding dan ti pawl an si ih, ttha te ih zoh ahcun kannih tlangpar mipawl le sakhua dang pawl hrangah a ttha lozet mi daan pawl an si. Tui ni ah cui daan pawl cu hnem hnget thei zang dingin Kawlpawl in Cozahpi an nor rero lai a si, khatlam ah khal milai covo ( Human Rights ) pawlkom 150 lai in hi daan pawl hi tuah suah hrim hrim lo dingin an do ve nasa. Sim duhmi sawn cu , hi thu hi a reh mai dingmi a si lo tikah Chin mipawl kan ralrin nasat a ttul, ziangahtile Chinram a ra naih vivo ih an lut vivo lai ding a si. Cutik ah daite ih kan um men ahcun, ziang tuah thei loin, a zaw...Chin miphun kan cem aw ti pang a ol te. Pathian hnen ah thlazacam in lungrual te in Pathian le miphun hrangah do ve ding kan si.
Posted on: Sun, 16 Nov 2014 16:53:22 +0000
Trending Topics
Recently Viewed Topics
© 2015