Comunicado Team Dowers: Hopi simpatisante y votado a topa na Cas di Partido Dakota Team Dowers a cana hunto AVP pa entrega nan lista victorioso Masha hopi ta e votadonan, simpatisantenan y siguidonan cu a tuma un dia di vakantie diabierna pa compaña nan candidatonan pa e entrega di e lista di victoria di AVP na Nicky Beach. Team Dowers tabata presente manera un clabo den e massa enorme cu a cana di Veld di Cricket pa Linear Park. For di oranan di mainta ya tabatin hopi movecion na Cas di Partido Dakota, unda cu Arthur Dowers a invita tur amigo y simpatisante uni manera un team grandi pa cana hunto bay Veld di Cricket. Tabatin algun pasa boca manera pan cu croket na benta y T-shirtnan di AVP a caba for di tempran, te cu mester a bolbe busca mas. E grupo di hende cu a compaña Arthur Dowers pa Veld di Cricket tabata impresionante. "Dowers Girls" bisti cu nan peluca berde, un trademark awo bon conoci y move riba trike y for di riba un trailer cu musica Gilbert Raven Jr. tabata cantando e jingle mas pega: Duro cu Dowers! Cu e trikenan tambe a habri e parada pa entrega di lista di Partido AVP, cu su 29 candidatonan y nan famianan celebrando e ocacion asina special aki hunto cu amigo y simpatisantenan. “Masha danki na tur hende cu a compaña nos partido pa entregamento di lista. Nos ta hopi contento di por conta cu boso sosten y voto. Mi kier gradici specialmente Team Dowers pa compaña tur nos candidatonan cu tanto entusiasmo y rondona nos cu hopi energia positivo pa sigui padilanti; sigui cu e bon trabao pa e bienestar general di nos dushi Aruba,” asina Arthur Dowers a comenta. Ban sigui Aruba! Ainda falta!
Posted on: Sun, 11 Aug 2013 20:49:22 +0000