Congress Thalai (MPYCC) Press Release No.MPYCC/Mz-07/2014/21, (23th September 2014) Hriat chian loh chuan sawi lo mai rawh se Mizoram sawrkarin kum 2012-2013 chhunga Infant Mortality Rate (IMR) hniam vanga sawrkar laipui atanga lawmman a dawn Rs. nuai 3132 hi thupbo a ni lova, a nihna tura hman mek a ni tih hi MNF Thalaite hian lo hre rawh se. Sawrkar chuan Rs. nuai 1475.12 chu release tawhin a hmanna turah a hmang mek, a bak Rs. nuai 1656.88 chu infrastructure siamna turin pekchhuah tura ruahman leh mek a ni. MNF Thalai leh an MLA Lalruatkima hian thil an hriatchian loh chuan sawi lo mai rawh se. IMR hniamna tura ruahmanna (action plan) chi ruk lai awm zinga state dang pawhin an dah pawimawh em em lirthei lei hi nawmchenna tur a ni lo, hnathawhna tur a ni tih an hriatreng hi haider tawh suh se. Mamawh hmasa Damdawi leh a hmanraw leina tur Rs. nuai 652.12 chu pekchhuah a ni tawh nghe nghe. IMR pawisa hi December ni 27, 2012-ah Central atangin Mizoramin a dawng a, Health Deptt-in August ni 14 2013 khan Finance-ah hmalakna tur ruahmanna (action plan) a pe a, December ni 17, 2013-ah Finance atangin pawisa hman phalna dawngin, March ni 6, 2014 khan pawisa hman theihna AA&EE pek an ni. Tunah hian Kum 2013-2014 IMR lawmman chu Central atangin Mizoram sawrkarin Rs. nuai 1632.58 a dawng leh tawh a, a hmanna tur ruahmanna (action plan) an buaipui leh mek tawh. Health Department-a RNTCP (TB kaihhawih) pawisa tun thlenga hmuh loh a tih hi Central atangin kumin June ni 30 khan hmuh daih a ni tawh. Sawrkar laipuia PM Narendra Modi-an kalphung a thlak tak avangin pawisa hmuh hi State Health Society-a pe nghal tawh lovin State sawrkar kaltlang a ngaih tak avangin a thang chhung a rei phaha thawktute leh dam lovin an tawrhphah ta zawk a ni. Kalphung thar State finance, administrative approval leh treasury a paltlang hnuin September ni 5, 2014 khan RNTCP pawisa Rs. nuai 271.68 chu Treasury chuan cheque a tichhuaka September ni 8, 2014 khan State Health Society hnen thlengin ruahman dan chuan vawiin hian SHS TB hian District tin account-ah pawisa hi an pe fel vek ang. Sawrkar kalphung hriat loh avang leh mahni invawrh tum avanga tul lova mipui tih chiai hi MNF MLA hian sim tawh se. Sawrkar kalphung a bihchiang duh a nih pawhin a thil hmuhte dik takin puangzar tawh rawh se, a hnu lawka a dik lang leh mai tur dik lo taka puanzar hian mipui a ti chiai mai mai a ni. Sd/- (ZOHMINGTHANGA TLAU) General Secretary i/c Information & Publicit
Posted on: Tue, 23 Sep 2014 16:40:07 +0000
Trending Topics
Recently Viewed Topics
© 2015