DAN RUAL LOH LUNGLEN Sun, 8 Aug 2010 | Published in Articles Posted by Boiha By Chhakchhuak I tan a hriat tham loh thil theihnghilh chu awlsam hle mahse, keia tan chuan i hlim hmel tluk a ka tana hmuhnawm dang a vang a. I ankanem tluk a dam leh ngaihthlak nuam hi he leiah hian ka hre tawh lo maithei bawk. I hmangaihna min hlan ve phei chu ka tan a hlu lutuk tlat. Ka tan chuan rohlu leh hriat reng an a chang si. Chuti a nih si chuan Bawihte, ka tan nang theihnghilh che chu kan awmna lei hi a mum ni lova a phek duai tia an sawi ang hial a awihawm loh a ni ta ve ang!!! Hun leh Nite hi nang nen tudang ngailoten kan chhiar dun kha a ni si a. Tunah chuan khang hun liam hnute khan vul zai an rel tawh dawn si lo a maw! Par dangin an rawn par hnan dawn ta maw? A tha e, a chang chuan nun hlui te hi a ngai ngai hian a lo inher leh ang tih hi ka hlau asin. Hmuh theih nise khang nunhluite kha (tiamthu min hlan laite) kei chu sawi loh nangmah pawh hian i zahpui loh vek pawn holam leh tul lo i ti ngawt ang le. Khang hunlaite khan kei chu e, ka hmangaih tangah beia inhriatna ka lo nei pek alawm le. Ka thinlung, ka engkim i hnen a hlan theih zawng zawng ka hlan che a, i thu nghakin ka awm a, i tel lovin chhun Ni ka her liam tir ngam lova, i tel lo chuan Pathianin hun hlu tak min pek darkar 24 hi ngui burin ka hmang liam a. Ka van hmangaih tak che em! Midang aia i chungchuan zia thiante bulah chuan sawi tur hre lo mah ila…. Ka thinlungah chuan i tha chungchuang a, nang lo chu tlingzo leh min hnehtu dang reng an awm lo a ni. Bawihte, min ngaih thin zia min fah mawlh mawlh lai te, ka te lova hringnun khawharthlak zia min hrilh laite khan keimah ka inen let a, heti mai hi ka ni a, mi a zawng lai a kei ber kher tel lova tling zo ta lo chu zawlaidi ka kawl a nih loh paw’n dawi tal ka thiam ru a ni ang ti te’n ka inrin-zawn-kual vel ta mai mai hial a ni. Chuvang chuan alawm engmah sawi thei lova ka kuah a ka fawh tak nawk nawk che ni. Ka lo ti ta lutuk deuh a nih paw’n turtu a na em atin ni. Dem rual loh thup rual loh a ni si. I hmangaihna chuah lo chu kei chuan chhuan tur reng ka nei lova, i hmangaihna hi ka nunpui ni berin ka hria. “Bawihte, inthen lo’ng aw,” ka ti vawng vawng che a nih kha. “Ka ringhlel lo a, ka inring zo lo a ni zawk. Nang lo hi hmangaih dang ka nei ang maw? A hnai lo, i tisual der a nih chu. Nang ka hmangaihna che hi nang chu sawi loh kei ngei pawh hian ka la let leh thei kher lovang,” min tih lai mawlh kha ka roh a ni, kalehkha puan tin ami ah hian ziah chhuah tak ka nap asin. Bawihte ka hmangaih che. Mumang a ang ka ti ang nge damlo zai tum a hnim hlum an pek lo harh leh ang ka ni ka ti zawk dawn? Nun hi a ho zova, engkim mai hi a va lem ta em! Khatia lehkha zir tur a ka kalsan hma che khan run hmun len dun kan chak toh thute kan sawi chamchi a. Nupa a insiam tur chuan puitlin a mahni ke a din a tul si. Puitlinna kawng zawh tur chuan thiamnate a lo ngai leh zel si a….. Nang phei chuan, “Ka puitlin ve leh zel pawh a ngai tawh lo, nangmah i puitlin a eizawnna thate i neih chuan a tawk. Keiin ka lo neih ve zel chuan ka duat hman lo palh ang che… bakah kachapo palh ang a, i tel lova awm theiah ka inngai palh ang,” min ti a ni lovem ni? Eng vangin nge puitlin lam pan tura hmangaih berte lenna ram chhuahsan a mittui leh hnap tui nen thiamna sang ka beih lai a, “Lunglen zai vawr zai rel reng mai zawng, a sawt lo lungrun i tan chuan…” ti a i lehkha ka dawn tak mai? Lunglen hnemtu i tawng maw?!?!?! Hriatthiam a har mai a ni lo, i thinlung atang chuan kei, i hmangaihna dawi at tan chuan rin mai a har ta ve ang. Kha chen rinawmte’n ka lo awm ve a, kei hian engtin…. ka pawm ang maw? Aw, a va na em!!! Ka chan tur hi hi i dawn lo em ni? Ka chhiar nawn leh thin: “Lunglen zai vawr zai rel reng mai zawng, A sawt lo lungrun i tan chuan e…” tiin mi sel maw? Nun khua a ngui nghiai e. Chutin min sel ang maw ka hlimna leh lawmna ber………………..huizzzz. Rual duh te u lo hre ve r’u in thinlaian, Lunglen zaituah ka hlimna leh lawmna ber A dik alawm a sawt tawh lo lunglen ka tan chuan e.…hmmm. Tang dang belh zai a rel chuan eng nge ka beisei tawh chuan ang? Chumi atanga inthiarfihlim chu ka tih mak mawh a ni lovem ni? Tawrh thiam a va har ve le!!!
Posted on: Mon, 28 Oct 2013 03:00:34 +0000
Trending Topics
Recently Viewed Topics
© 2015