DAP fund kina Pia at Ping, nailagay sa tama Kumpirmadong nakatanggap din ng Disbursement Acceleration Program (DAP) fund sina Sens. Pia Cayetano at Panfilo ‘Ping’ Lacson, ngunit hindi tulad ng ilang kasama na iniimbestigahan dahil sa pangamba ng ‘misuse’, walang naging problema sa mga pondo ng dalawa dahil ginamit at nailagay sa tamang mga proyekto. Sina Cayetano at Lacson ay nabanggit bilang mga benipisyaryo din ng DAP sa pagdinig kahapon ng Senate committee on finance na pansamantalang pinamunuan ni Senate Pro Tempore Ralph Recto para talakayin ang panukalang budget ng Department of Science and Technology (DOST). “Si Senator Pia Cayetano may project talaga she was very keen doon sa science bus, at sinusuportahan talaga niya ang science bus and we supported it thru ‘yung funding requirements ng counterpart namin, we supported it thru the DAP,” ang pagsisiwalat ni DOST Secretary Mario Montejos. “Si Senator Lacson was also very supportive of the complimentary baby food,” dagdag pa ni Montejos patungkol naman kay Lacson. =chen=
Posted on: Mon, 07 Oct 2013 22:28:18 +0000
Trending Topics
Recently Viewed Topics
© 2015