DARZOKAI LEI DAWH CHIMTU SANDWIP GUHA NIYOGI-A ENGTINNGE SORKARIN A TIH DAWN? Chhimtuipui lui kaina tur, Darzokai-a thirhruia khai lei (suspension bridge) dawh mek chu vanduaithlak takin December 13, 2014 chhun dar 12:45 vel khan a chim a. SE Pu Vanlalchhuana leh EE Pu Lalchhuana chuan a hmun an pan nghal. Bialtu MLA Pu John Siamkunga pawhin a hmun a pan ve nghal bawk a. Mi 10 a chim hnan a. An zinga 4 chu tualchhung mi an ni. Hliam zinga pakhat chu Hnahthial Damdawi In panpui laiin a thi a. Pakhat chu first aid pek hnuah chhuahtir a ni a; na zual deuh 3 chu Aizawl Civil Hospital, a dang 2 chu Lunglei civil hospital leh a bak 3 chu Hnahthial hospital-ah dah an ni. Mizoram sorkar chuan thihna hial tawk hliam tuarte a tuarpuiin pawi a ti tak zet tih a sawi. A chim chhan tak hi sorkarin a hre lo A chhan nia sorkar sawidan: 1) Lei khaitu thirhrui lian, a sir tawna 4 ve ve, khawmual lama thlun nghehna (Anchor) khawthlang lam a mi zawk a inbat, a hmawr thleh hnua chep/clip nghet tur chu, lei level siam dik tura la siamrem(adjust) leh ngai anih avangin a nih dan tur angin an la kilh nghet tawk lo niin a lang a. 2) Khawthlang lam zawk a mi, a sir khat a hrui 4 leh lehlama a then hmawr ralna lo nghet tawk lo vanga put ta chuan a tichim niin a lang. Rs. nuai 266.21 man S.Guha Niyogi & Associates, Kolkata chuan a thawk a. Harsatna hrang hrang avanga beisei anga zawh anih loh hnuah December 20, 2014 a motor zawh kai theih tura zo turin ngawrh taka thawkin zo ngei tur a hma lak mek lai leh, a bikin tuipui ral mipuiten nghakhlel taka an thlir laia hetiang beisei loh leh hisap loh lam thil lothleng thut hi a vanduai thlak a, sorkar chuan pawi a ti tak zet a, a chhiat dan ngun taka enfiahin Public Works Department chuan a dawh that leh dan tur ruahmanin hmaa la thuai dawn a ni. (Source:DIPR) S.Guha Niyogi-a hian Sept 25 khan he lei dawh hna tha taka a kal mek thu khawvel hriatin a puang a. A en duh te tan en theih a nih thu a sawi hial a ni. PWD Minister Lalthanhawla hian cheng nuai 266.21 man hna hmutu Engineering Consultant Niyogi-a (172 B JODHPUR PARK, Jodhpur Park, Kolkata, West Bengal 700068, India) hi he lei chimah chungchangah hian vawi engzat nge a biak tawh? Cheng nuai 266.21 hi Mizoramin kan hmu leh dawt em? Amah bawk hi he contract hna pek a ni leh dawn em?
Posted on: Mon, 15 Dec 2014 15:10:37 +0000
Trending Topics
Recently Viewed Topics
© 2015