DDWA N LEƐMEṚ Aql-I am umeckerker. Tikelt I sliɣ I tefsut, Ddhemẓeɣ-d agur-agur Ad tt-mmagreɣ s akken ad d-tlal. Ziɣen terɛed di Fuṛaṛ Terna teffeɣ d taberkant Aql-i am umeckerker d-imuman aḥmam ad ijgelleb, ad izxem yemmager aɣalad mi t-isumm wezrem, yemmug d ačeqlal * Mlaleɣ-d d umdan yeḥdaqqeṛ Anda yell wegraw, taɣ-it Tasa d-imuger, ad tt-agzem. Yetɛenni, yettxill, yesteqsay Yal tarbaɛt : “Salet ma tella ddwa !” Yal afṛid : « Sal ma tella ddwa ! » Zṛiɣ-t, sliɣ I wesregmet Yekka-d akk-in I rrɛed, waynek ! Yeqqaṛ-iyi : “ Amek ur t-tessineḍ ? Amek i d-innser ? S ansa d-iffeɣ ?” Madden ẓṛab-t, neck d lexyal : Wa yecba-yi naɣ wa d nekk. * Aɣaḍ mi d-bran Leqṛun Hban tibḥirt n wul-iw I d-iḍṛan ! I d-iḍeṛṛun ! Armi, si kra d-yulin ‘f wul-iw, Tewt-i tnexxaṛt ddaw tmurt Naɣ yesbabb sbeɛ qamat nnig wul-iw. Qquṛen leɛwanṣeṛ n yeẓṛi Iṣenneǧ, iddemdem, yekkaw. Iẓuṛan ẓewṛen am yenzizen Mi tḥerrek tṣeṭṭa, yerna weblaw Anta y d lmeḥna taezwarut ? Wi s-d-icfan i Jeddi mi ylul ? Naɣ mi yemmut ? * Yekkaw lḥenni n taɣect ; Mi d-tuli nnehta n leɛmeṛ Deg ‘melɣiɣ i d-tettuɣal Tetseggix leɛmeṛ. Takekkuct ikkren i leɛmeṛ Ansar ad s-d-kkeɣ s wudem ? S yisem ? Amdan ma ysal ma tella ddwa Yessen aṭan-is : izmer ad d-yini : « d wa ». 02 août 2002
Posted on: Sun, 21 Jul 2013 13:22:52 +0000
Trending Topics
Recently Viewed Topics
© 2015