DORE TRANSFER Z’ABAKINNYI 11 ZA MBERE ZISHYUSHYE CYANE KU MUGABANE W’UBURAYI MURI IYI MINSI. June 5, 2013 | Filed under: Featured,IMIKINO,Imikino itandukanye,IMYIDAGADURO | Posted by: Elvis SHEMA Muri iyi minsi ku mugabane w’uburayi muri ruhago ntakindi kiri kuvugwa cyane usibye igura n’igirisha ry’abakinnyi bava mu makipe amwe berekeza muyandi, nyuma yisinya rya Neymar muri Barcelona, Falcao na Zaha nabo bakaba ari mu nzira kuri ubu hari izinda transfer 10 za mbere zishyushye ku mugabane w’uburayi zashyuhije abatoza ndetse n’abaherwe b’amakipe imitwe. 1. ISCO (Malaga na Spain) Isco Uyu musore arabica bigacika mw’ikipe ya Malaga aho agereranwa n’abasore nka Samir Nasri na David Silva, kuri ubu akaba yifuzwa cyane mu gihugu cy’ubwongereza mw’ikipe ya Manchester City yifuza kumutangaho akayabo ka Miliyoni 27 z’ama pound. 2. WAYNE ROONEY (Manchester United na England) Wayne Rooney Uyu musore akaba ari umwe mu basore ikipe ya Manchester United igenderaho cyane, nyuma y’isezera cya Sir Alex Furgeson muri iyi kipe uyu musore akaba ashobora kuva muri iyi kipe aho amakipe menshi yo ku mugabane w’uburayi amwifuza harimo Manchester City, Chelsea, Arsenal, PSG, Real Madrid aho yifuzwamo akayabo ka Miliyoni 30 z’ama Pound. 3. CESC FABREGAS (Barcelona na Spain) Cesco Fabregas Uyu musore ikipe ya Barcelona ikaba itarigeze imuhira cyane kuko amaze gukina imikino 32 atsindamo ibitego 11 ndetse atanga n’imipira 11 yavuyemo ibitego kuri ubu uyu musore ashobora kuva muri iyi kipe akerekeza mu gihugu cy’ubwogereza aho yavuye avuye mw’ikipe ya arsenal amakipe amwifuza akaba ari Mancheste United ndetse na Manchester City aho bamwifuzamo akayabo ka Miliyoni 35 z’ama Pound. 4. GARETH BALE (Tottenham na Wales) Gareth Bale Gareth Bale n’umwe mu basore bifuzwa cyane ku mugabane w’uburayi nyuma y’umusore Neymar wamaze kwerekeza mw’ikipe ya Barcelona kuri ubu uyu musore akaba ari kuvugisha amagambo menshi cyane abatoza ndetse n’abaherwe b’amakipe menshi ku mugabane w’uburayi cyane cyane ikipe ya Real Madrid aho kumwegukana bisaba akayabo ka Miliyoni 80 z’ama Pound ikipe zimwifuza akaba ari Real Madrid, Chelsea, Manchester City, Manchester United. 5. LUIS SUAREZ (Liverpool na Uruguay) Luis Suarez Uyu musore n’umwe mu basore beze muri ruhago kw’isi ariko igihugu cy’ubwongereza kikaba kitaramuhiriye cyane kubera ibi bazo yagiye agirana n’abakinnyi ndetse n’itangazamakuru kuri ubu ikipe ya Liverpool ikaba imwifuzamo akayabo ka Miliyoni 40 z’ama Pound ikipe zimwifuza akaba ari Real Madrid, Atletico Madrid, Juventus, PSG. 6. EDINSON CAVANI (Napoli na Uruguay) Edinson Cavani Cavani akaba abica bigacika ku mugabane w’uburayi aho amakipe menshi cyane agenda amwifuza kuri ubu ikipe ye ikaba itangaza ko yamutanga kukayabo ka Miliyoni 54 z’ama Pound ikipe zimwifuza akaba ari Manchester City, PSG, Chelsea. 7. LEIGHTON BAINES (Everton na England) Leighton Baines Uyu musore akaba ari umwe mu basore ikipe ya Everton igenderaho iyo yafatanyije na Patrice Evra ukaba ntaho wabaca, nyuma yo kwerekeza mw’ikipe ya Manchester United kwa David Moyes uyu musore akaba yifuzwa cyane n’ikiipe ya Manchester United ku kayabo ka Miliyoni 15 z’ama Pound. 8. CHRISTIAN BENTEKE (Aston Villa na Belgium) Christian Betenke Benteke akaba ari umwe mu basore bafatiye runini cyane ikipe ya Aston Villa akaba ari rutaha izamu mwiza cyane ndetse akaba ari kwitwara neza cyane mw’ikipe y’igihugu ya Belgium kuri ubu ikipe ziri kumwifuza akaba ari Atletico Madrid, Tottenham, Liverpool ku kayabo ka Miliyoni 17.5 z’ama Pound. 9. DAVID LUIZ ( Chelsea na Brazil) David Luiz Uyu musore impamvu ishobora gutuma ataguma mu ikipe ya Chelsea akaba ari uku atahuza n’umutoza wa Chelsea mushya ibi bikaba bishobora gutuma yerekeza muyindi kipe aho ikipe zimwifuza harimo Barcelona na Napoli ku kayabo ka Miliyoni 35 z’ama Pound. 10. WESLEY SNEIJDER (Galatasalay na Holland) Wesley Sneijder Ku myaka ye 28 Sneijder n’umwe mu basore bakomeje kwitwara neza cyane mu kibuga ibi akaba yarabigaragaje mu mikino ya Champions League mu ikipe ye ya Galatasalay, Jose Mourinho akaba yafuza kongera gukorana n’uyu musore mu ikipe ya Chelsea aho ikipe ye imwifuzamo akayabo ka Miliyoni 7 z’ama Pound. 11. CRISTIANO RONALDO (Real Madrid na Portugal) Cristiano Ronaldo Uyu n’umwe mu basore bakizigenze muri ruhago y’isi yose aho nta kipe iba itamwifuza, kuri ubu ikipe ya Manchester United yatangaje ko yifuza kugarura uyu mukinnyi kuri stade ya Old Traford aho biteguye kumutangaho akayabo ka Miliyoni 80 z’ama Pound. Post By :: Girafe Desire Hakimu
Posted on: Thu, 20 Jun 2013 12:52:49 +0000
Trending Topics
Recently Viewed Topics
© 2015