DT: Thlaphur 25, 2014 CHANCHIN LAWRKHAWM Sin Hmu Thar SSC huoihawt, LDC/DEO sin lakna, Combined Higher Secondary Level (10+2) Examination, 2013 a Delhi tlangval pathum: Tv. Robert Zarzolien Sungte, Tv. Eleazer Sungte le Tv. Gordon Amos hai an hlawtling. *** Pawl X passed Tukum CBSE hnuoia pawl sawm result suokah Delhi HSA member a hnuoia hai hin hlawtlingna an chang: 1. Joshua Lalsandam s/o Lalsanglur Vanso 2. Lalthangsei s/o Lalchunghnung Infimate 3. Andrew s/o Lalchunghnung Infimate 4. Calvin Hrangchal s/o L H Hrangchal 5. Rozarlien s/o Siema Khawbung 6. David Ruolngul s/o L H Ruolngul 7. Boaza Darlang s/o Neilaia Darlong. *** William Darngawn a hung inzin HSA Delhi ṭhuoitu hlui le Delhi Thurawn Editor lo ni hlak, Tv. William R Darngawn chu mimal ṭulna leiin tulai hin Delhi a hung chuongkai. Delhi a inthawk Pune tieng pan pei ding ni’n chanchin dawng a nih. *** Naga Nunghak sawisak le inzawma Protest Ding Liemtah, Ningani zan khan Naga nunghak pakhat, DU a lekha inchuka um mek chu Vishwavidyalaya Metro Station-ah vai lawyer pakhatin a sawisak (molested) a. Santu ding zawnga a khek vel leiin a bul hnaia um mipuiin an san a, suol thawtu hi police kutah an pek hnungin FIR zieklut a nih. Hi thu le inzawm hin Zirtawpni khan Tiz Hazari Court-ah Magistrate hma a inlang dingin hi nunghak le Naga Student Union Delhi President, Mavio J. Woba le mi dang pakhat hai chu an fe a. Room no 273 sunga magistrate hma a an inlang mek laiin lawyer 30 velin chungah Mavio chuh tharum hmangin kut an thlak a. Boruok a sosang nasa hle. Hi thil tlunga hin sawisaka um, Naga nunghak tienga ṭhang lawyer, Liyi khawm kut a ben a ni a. Mi dang khawm kut tuor an um nuol ni in chanchin dawng a nih. Court sunga hin Police um de hai sien khawm thil suk suoltu tienga ṭhang lawyer hai hi an tam leiin buoina hi an suk re nghal el thei naw a nih. Court sunga thil tlung le inzawm hin FIR zieklut nghak a ni a chuh, suol thawtu lawyer hai hming hi ziek lang a ni nawh. Hi thil tlung le inzawm hin zani khan JNU-ah North East student thuoitu hai chun meeting an nei nghal a. Hung tlung ding, May 27, 2014 hin lungawinaw suklangna dingin Bar Council of India, ITO hmunah Protest nei dinga rel a nih. Hi huna hin a tam thei ang ṭhang dingin HSA Delhi chun mitin kuomah fielna a siem. ***
Posted on: Mon, 26 May 2014 15:26:55 +0000
Trending Topics
Recently Viewed Topics
© 2015