DT: Thlaram 08, 2013 DT: Thlaram 08, 2013 Editorial: Hmar á¹awngin a dai hlawl naw maw! Ei rama Kristien sakhuo a hung lût hlim laia Duhlian á¹awng hmang haiin sakhuona thilah an á¹awng min bâ lui an tumna le a khaw hnunga chu chanchin ei hrietsuok zâta ei so an rang tum el hlak hi Hmar á¹awng hmangtu le hmangaitu hai thaw awm reng a nih. Asanchuh, ei á¹awng hih Pathienin van a inthawka A mi hung thawn ni naw sien khawm A remruotna hnuoia hun le ni hai herin á¹awng hrang a mi’n duong pek a ni mieu si a. Tulai hnaia ei khawtlanga mipui inkhawm lien - HCFD Silver Jubilee ei hmang huna khan ei á¹awng hih ei lo dit khawp ta naw in, ei lo insit ta hle am a ni aw ti theiin a um. Ei á¹awng hi á¹awng hausa le mi tam tak hmang khawm ni lo, mi tlawmte’n ei hmang leia á¹awng thi ziekna bu a la ziek lût lo mei mei a ni a. A tam thei ang le a hmang rawn thei dan ei ngaituo zing a pawimaw takzet a nih. Mimal nun le á¹awng hmang chuh mi dang tukhawmin ei sawisel rak thei nawh. Amiruokchuh, pawlpui huoihawtna hnuoia puipung ei nei châng le Hmar hnam hming chawia nipui ei hmang châng hin chuh Hmar á¹awng hi a tam thei ang hmang hlak inla nuom a um hle. Ni khat lai ela Freshers Social Meet ei hmang á¹um a hun duonglawk (programme) khah ei en chun Hmar á¹awnga ziek thei chin chuh ei ziek a. Mi tamtak lawm a kai a nih. A hnung ni tlawmte hnunga Silver Jubilee ei hmang ruok khan chuh Silver Jubilee ruoi kil ding lai a zatve rau sap (English) an á¹hang ding ni awm fahrana sap á¹awng ei hang hmer sa el kha chuh ngaimaw um ve tak a nih. Fielna lekha ei siemhai khah Hmar á¹awng hrie lo hai chuh sap á¹awnga zieka pek naw thei ni naw nih, sap á¹awng vawng te khan ei hang thaw a. Chuong ang bawkin a programme (leaflet) khawm khah ei hang siem nawk a. Hmar á¹awng hi a pasie a, Hmar á¹awng hlir hlawka ziek chu a lo thei naw khawma a thei chinah hmang inla chuh ‘Hmar’ Christian Fellowship Delhi hih Hmar Christian Fellowship Delhi a ni zuol ring a um. Silver Jubilee hmang ni a, khaimawi le thuziek, biekin sung le puo a ei târ hai a khan ‘Hmar’ ti chau naw chuh Hmar á¹awng ziek reng reng hmu ding a um naw chu tie! Hun ei hang hmang á¹an dêk dêka, |halai hlasakthiem em em haiin ni danga Hmar á¹awnga ei lo ngaitlak rawp ta hlak, Halleluia Chorus an sak dam khah á¹awng dang daiin ei hang ngaitlak ta lem dai a. (Phek 15-ah sunzawmna tiem ding) A hla ropuina chuh nêp sawt naw sien khawm, a ngaitu ding Hmarhai tho ei ni leiin á¹awng dang daia sak nek khan chuh Hmar á¹awngin a ngai an hawi lem ring a um ie. Naupang haiin lemchang ropui tak el an inentir khah a ropui vei leh, á¹awng dang hla bawkin an mi suk tawp pek nawk dai a. Ei naupang hai mawl hi an nih Hmar hla sak thiem le hrie tam dinga ditsak ding hai chuh! Parbung tlangval, Pu Rengrohlun Hmar ang em ema mi á¹awng hmang naw ding tienga hmalak ni lovin, mi á¹awng hmang le haw ngai lova ei thaw thei chinah ei á¹awng hmang tam a á¹ul zie hih hre thar inla nuom a um ngawt el. Mi á¹awng dang danghai hih thiem tam neka á¹ha a um nawh. Sap á¹awng thiem hi a suolna a um naw el chau ni lovin a pawimaw em em. Amiruokchuh, mi á¹awng ngaina a thiem hlur a, mani á¹awng ngainatna nei lo chuh vawk inbe riei riei ang chau ni mei ei tih. Vawk inbe hlak chuh vawisun chen hin hriet ding a la um bawk si nawh. Sap á¹awng hai dam hih ei hmang changsawn vieu ta in an lang a chuh khawlam a nih, hnina/lekhathawn (memorandum/application) le thu tlawmte hang ziek á¹ul ni khuo a chuh mi tam tak chuh ei tlansie nawk duoi hlak tho a nih. A hun le hmun taka hmang ding á¹awng hriet le thiem hih a pawimaw a nih, Hmar á¹awng hmang ding huna á¹awng dang hmang deu tut nekin. Ei á¹awng pasietna hrie a, hmang tlawm el nekin a hausak theina ding ngaituo a hmang tam hih mitin mawphurna a nih. - Lalhmingthang Songate
Posted on: Sun, 08 Sep 2013 19:53:49 +0000