DTO sponsor na Seminar on Peoples’ friendly traffic - TopicsExpress

DTO sponsor na Seminar on Peoples’ friendly traffic movement Lamka, Oct 10: Kuki Students’ Organization, Churachandpur District Administration leh District Police pangkhawm ah tuzingkal dak 11:00 in M. Songgel Community hall ah “One day seminar on peoples’ friendly traffic movement” tawh kisai ah district sung ah Diesel Auto driver te a ding in seminar a um a, zia chu Deputy Commissioner P.K. Jha, IAS in honna a nei hi. Chun, Moderator leh Observer Addl. SP/CCpur Balram Singh, MPS a pang a, resources person in OC Traffic CCPur apang hi. Zia hun ah Balram in a thugenna achun Driving License umlo ah gari tawl/hek kiti dan in a phallo ahi ziakin traffic movement hawitak ah control ah a um theina ding leh driver te’n a rule diktak a zuitheina ding ah Transport department in driving License a issue ding phat leh driving test bawl thei leh pha a sak thu a gen a, chun driver te pilvang tak ah gari hek a, a diak ah zan khawthim nuai ah gari taite pilvang poimaw a sak thu agen hi. Zia ban achun gari light matdan thiam poimaw hi’n agen a, light mat thiamlo ziak ah accident thei ahi dan agen a, zan ah gari tai te’n high beam leh low beam te mat dan thiam poimaw hi’n agen hi. Zia seminar achun resource person in driver chiakhawmte kiang ah ngaidan chuamchuam a dawtna driver khat in security gari, private gari (two wheeler) helmet khuklote police in man in sum liausak ahi sek ua, chulah Police in helmet khuklo ah gari tai leh traffic stand point lamlai ah um lemchanglo dan ah dawtna a bawl Traffic Officer in a dawnhuna achun security gari ahi ziak ah mawk control thei hilo in a poimaw danzil ah hattai khasek uh ahi ti’n a dawnhu a, chuleh traffic point lamlai um toh kisai lamsik ah um lemchanglo ding ahi ziak ah lamlai ah kawi ah um hi’n a dawnhu hi. Zia bana chun helmet tawh kisai Addl. SP in a dawnhuna achun Helmet kiti mani kivena ding gari neu tawl te’n khuk poimaw hi’n agen a, Police personnel helmet khuklo ah gari neu tawl a um leh khamtang a, Traffic Officer ahilo Police Helpline NO. 03874-233239 ah hiatsak ding in agen a, helmet khuklo ah gari taite chu dan dungzui ah liausak thei hi’n agen hi. Zia seminar achun district sung ah Jeep Driver 29 pang ah gari chuamchuam driver 700 vel a chiakhawm ua, seminar chu District Transport Office, Churachandpur in a sponsor ahi. To tie-up together ti thupi mangin kimukhawmna nei Lamka, Oct 10: Zomi Language and Literature Society, India leh Zomi Christian Literature Society, Myanmar in tuzingkal dak 7:00 in Venus Hotel, Lamka ah ‘to tie-up together’ ti thupi mang in kimukhawmna anei ua, zia hun achun India & Myanmar pang ah gam chuamchuam ah Zomite kikhenzak maleh pau leh ham, pu leh pa chawndan in ei khenlo ahi ti’n thupukna chuamchuam a bawl ui. Zia hun achun pau leh ham ah khantona ding ah maban pangkhawm ding leh lekha zikdan tawh kisai ah poimaw te kihetua ding in a thukimna abawl ui. Chun, maban ah lekha zikdan seminar leh workshop nei ding leh Kawlgam Zomi leh India Zomi sung ah lekha zikdan, aw-phawi kibang ah mat ahi theina ding theitawp sua panla ding uh hi’n thukimna abawl ui. Zia huna chun LB Sona, Chairman, Zomi Council; K. Guite, Adviser, ZRO; Hang Shyan Thang, GAD, ZRO leh K. Vungzamawi, Secretary, ZEPADA te’n thugenna anei ua, chuleh S. Dalsianpau, Secretary, ZOLLS in kimukhawmna thupi genlatna anei a, zia chun Zomi Council nuai ah Frontal Organization chuamchuam apat palai te a chiakhawm ui. DC mapuina DAPCU performance toh kisai meeting Lamka, Oct 10: Deputy Commissioner, Churachandpur PK. Jha, IAS mapuina tunitak dak 1:00 in BRGF Resource Centre, DC office ah District AIDS Prevention and Control Unit (DAPCU) meeting a um a, zia hun achun DAPCU in July – September, 2014 kikal ah a performance te suklatna anei hi. Zia meeting achun Review of 2nd DAPCU meeting, Appraisal of 2nd CAPCU Performance, Appointment of ARTC, District Hospital, Singngat Sub-Divison ah OST Satellite Centre pang in thu chuam chuam a genkhawm ua, DC transfer ding ziak in thupukna mumal a bawl thei puau a, zia meeting achun Medical Superintendent, Churachandpur Dr. L. Arke Singh, Dr. Thangchinkhup Guite, Chief Medical Officer, Churachandpur Dr. Vumchinpau Tonsing, DFWO/CCpur; Dr. F. Thienkhogin, DACO/CCPur banah NGO chuamchuam apat palaite a pang ui. Semtu te’n PK Jha, IAS thakna nei ding Lamka, Oct 10: Deputy Commissioner, Churachandpur P.K. Jha, IAS chu department 6 ah semtu te’n October 13, 2014 sun dak 12:00 leh District Training Centre, Tuibuang ah thakna program nei ding ahiu a, a thakna nei ding department te chu DRDA, DSO/CAF, NIC/Planning, Election leh Revenue te hiding ahiu. Zia hun achun Mani Ram Sharma, IAS, Addle DC/CCpur in vaidawnna thu gen ding ahia, zia zaw chuleh thugenna leh thilpiak piakna DRDA, DSO &PD, NIC, Planning, Election leh Revenue te’n nei ding ahiu. Zia zaw chuleh a pawt ding P.K. Jha, IAS chun thugenna hun mang ding ahi. SDO/CCPur charge la Thienlaljoy Gangte, MCS, SDO/BDO Chakpikarong chu SDO/BDO Churachandpur ding ah mawpuakna tuni’n Pradeep Chandran IAS, SDO/BDO/CCPur apat ala, zia zaw achun Pradeep Chandran chun tuni’n Lamka nusia in Imphal a zuan hi. Flag day mang ding Siamsinpawlpi General headquarters in October 11, 2014 zingkal dak 10:45 leh YPA/GHQ hall, Hiangtam Lamka ah Siamsinpawlpi Flag day programmed mang ding ahiu a, zia chun Health Minister Phungzathang Tonsing khuallian ah pang ding ahia, P.K. Jha, IAS, DC/CCPur chu guest of honour ah pang ding ahi. Chun, N. Thangkhomang, Life Member & Former President, SSPP/GHQ chu chief host ah pang ding ahia, M. Jamchinthang, Chairman, Standing Committee, SSPP/GHQ chu functional president ah pang ding ahi. Zing tiang ah mulo leh chawlsan ding YPA New Lamka block in Nu Vungching (68) w/o Kamtual Guite, Vengnuam chu October 4, 2014 nitak lam ah a inn ua pat pawt inn tungkitlo chu YPA leh tawmngai pawl chuamchuam te’n a hawl nungun tuni’n YPA Zion Veng, Elim Veng, Hebron Veng leh College Veng apat nungak leh tangval te’n Geljang, Lamzang apat Saipum area leh Dam area gamnuai hawlna a nei ua, ahinla mu diaklo hi un a kigen hi. Chun, October 11, 2014 leh YPA Khominthang, Vengnuam South leh Gouchinkhup Veng apat nungak leh tangval te’n hawl kit ding un a kigen a, zia tiang ah a mudawlo ua leh chawlsan phot ding un a kigen hi.

What an interesting story as we head in to International Womens

***K-CUP DEAL!*** Grab EIGHTY OneCup (Keurig K-Cup) for as LOW as

Life in La Finca Chinchilla La Finca Chinchilla is a farm located

GUSTO MO BA MALAMAN KUNG PAANO KUMITA KAHIT TULOG? PAANO KUMITA

It is snowing. Lovely, white snow, sleet (slush) pure snow. I love

And it came to pass, when the time was come that He should be

O Jesus, through the Immaculate Heart of Mary, I Offer thee My

So, I go to the dollar store across the street. As I go in there.

Well!! What a way to start your day! So, to the great big ASSHOLE

Atlantis in America: Navigators of the Ancient World

Sayangi aku mama Part 1 Anisa : Pagi mama.... ( sambil mencium

In the last few years the middle classes have taken to the streets

Cyber Monday Sales Rado Rado True Womens Quartz Watch R27817152

400 frnd he mere list me jisme se 127 log ese he jo mere bachpan

Just got to watch typical Lake Charles attitude in action. 15

Good Morning Lord as I sit and Reflect on what youve done in my

We want to hear from you! In the next issue (December 2013) we

Listing a few items I no longer use: - 9 Madbull Daniel

Counting down - just under 72 hours to go until the Regular

LAR brothers, some of our salty brothers have established a

Square End Table in MediumBrown finish WCKW8 HLR5K Signature

To understand why this mysterious MH17 tragedy has not been

Arvind Kejriwal (born 16 August 1968) is an Indian politician and