DTUP pa 31 Aug 2013 Bon dia, Dios mediante. Amèn. *** Nos ta papia Samaritano, pero biba hipókrita. *** Awe mi ta kuminsá na manda palabranan di kondolensia na kolega Robert Sances i rumanan ku awe ta hiba nan mama stimá Juliana Crestian Melaan na su último lugá di sosiegu. Forsa den e momentunan difísil aki. *** Un nota chikí: Nos lucha no ta kontra e opresor mas, pero kontra nos mes. Nos mes ku nos mes ta habraká otro miéntras e supuesto opresor ku nos ta referí n’e, ta sinta hari nos, trapa nos i imponé lei, regla kontra nos boluntat riba un trankil. Nos no ke kansa e kurpa mas, nos ke biba dushi sin sakrifiká. Unda nos lo yega, mi no sa. *** E dianan aki ta spesial pa e kolumna aki komo ku nos ta selebrá 16 aña di un di e kolumna di farándula ku tin mas aña ku a publiká stret konstant. E fecha presis nos no ta kòrda, debí ku nos mes a balotá ku nos lo no bai dura largu asina ku e kolumna aki. Nos kuminsá djis kuminsá skirbi si mi no ta kibuká un siman promé ku Dia di Boneiru kaminda e selebrashon a tuma lugá den e Bario di Nikiboko pa promé bia. Ke men ta den e dianan aki. Djamars nos tabata na ofisina di Extra pa averiguá un ke otro, pero pa motibu di tempu i riba un purá manera nos ta tur ora nos no a para buska e korant di 1997. En todo kaso nos kolumna ta saliendo pa 16 aña stret i danki na Boi Antoin ku a duna nos e oportunidat pa skirbi di farándula i na tur ku di un òf otro forma ku a yuda nos ku e kolumna aki sea redakt’é layout’e, pero spesial pa mi amigu/kolega Armand “Papi” Antoin ku a poné e kolumna aki bira grandi. Danki di kurason. *** Na prinsipio mi tabata kier a kuminsá skirbi di deporte komo ku mi a praktiká diferente deporte i a bai kompetí afó tambe. Pero ma haña e oportunidat pa skirbi di farándula komo ku mi ta un músiko tambe i tabata na altura di basta bai ben di farándula. P’esei momentu ku mi skirbi ku nos farándula a bai atras den práktikamente den tur aspekto mi sa di kiko mi ta papia. *** E kolumna aki a bira hopi popular, pero e no a bira loke ku nos tabata kier. Komo ku tin hopi kantante, poeta, deklamadó, resitadó di poesia ku no kier a bin den publisidat òf no tabata ke pa nos a entrevista i promové nan. Nan tabata flòp manera miedu di bin den publisidat. Esei tabata nos intenshon pa trese nos artistanan boneriano tantu na Boneiru i den eksterior den publisidat. Ya pero nan mes no tabata ke. Ya, pero nos ta have fun si ku e kolumna aki. Hopi hende ta kere ku nos tin ganashi ku e kolumna aki. No shonnan, e kos aki ta djis pasobra mi gust’é. Kon ku bai bin despues e la bira mi trabou ku a yuda mi masha hopi mes mi a akumulá hopi eksperensia mi, komo ku mi a siña práktika periodismo, fotografia i ku aktualmente mi tin un funshon responsabel den e aparato gubernamental di Boneiru por lo pronto. For di 1980 mi tabatin aspirashon pa siña journalestiek, te ku mi a desaroyá i pone mi mes na altura di e trabou aki. E kolumna ta mi hòbi no mi trabou. *** Si kualke organisashon ke pa mi kubri nan aktividat sea pa saka potrèt òf hasi filmashon, nan por yama mi na sel. 796 2020 i e ta sali den nos kolumna. Tin bia nan ta invitá mi pero ta mi mes tin ku paga pa drenta. Bisa mi kon bo ta hañ’é. Nos ta kibrando tur rekòrt di mundu na Boneiru. *** Awe nochi na Tera Kòrá Ranch tremendo ambiente ku animashon di Dj Juan Danger for di 9’or pm pa 3’or am. Entrada ta pòrnada. *** Awe nochi grandioso Song festival Song festival organisá pa Kanta Orkidia den Sentro di Bario Rincon. Un total di 12 kantante di taya ku kompañamentu musikal di e grandinan di Boneiru Boysi & Company. Entrada ta solamente 10 $ so so. Awe nochi Rincon ta den gara di Song Festival di un di e organisashonnan ku a hasi hopi den ámbito di farándula aki na Boneiru. Un grupo hopi aktivo den e bida kultural i sosial aki na Boneiru pero spesial den Rincon. *** E aña aki na Aruba Dia di Boneiru ta bai ta algu great un bia mas. Nos ta pendiente pa nos presensiá e tremendo Dia di Boneiru na Aruba. Na Aruba bo ta groof grovi grovi. Nos ta enkantá ku Aruba, ki ora ku nos a bai Aruba nos ta pasa bon. Nos a biba i sirbi Aruba i a keda ku e dushi sintimentu pa Aruba. Apesar tambe ku nos tin hopi famia na Aruba. *** Dia 5 sèptèmber Dj Forsa dos di Kòrsou na Boneiru mano mano ku Sason Boneriano i Dj Juan Danger. Entrada 15 delantá $ i na porta 20 $. Ambiente ta bai rònt for di 9’or anochi te den oranan di mardugá. *** Dia 6 di sèptèmber tremendo Fiesta baliabel na Gran Chaparal ku animashon di Dj Kandela direktamente for di Kòrsou huntu ku Dj Papi Martina i Dj Juan Danger. Ambiente ta for di 9’or pm pa 3’or am. Entrada ta solamente 10 $ so so pa persona. Bar i kushina bon di stòk i ambiente ta sigur den oranan di anochi aya na Chaparal. *** By the way un saludo pa nos hendenan aya na Kòrsou ku ta keda masha kontentu momentu ku nan por lesa nos kolumna riba djasabra den páginanan di Boneiru. Captain Goyla i famia tambe tabata hopi kontentu ku nan por mira nos kolumna na Kòrsou. *** Djabièrnè siman pasá PWC a desvelá e bòrchi nobo na Kaya gob. Debrot nos tabata presente i a kapta algun shot di e bríndis i por mira algun foto di e aktividat. Mocky Arends presidente di Business & Employers Association a trese algu ku nos mester para ketu i pensa “ Mester stòp di pensa tradishonal i kuminsá eksplorá ”ban kuminsá pensa out of the box. E kos aki nos a skirbi algun aña pasá kaba. Hopi kos ku nos a remarká algun aña pasá ta hañando atenshon òf mihó bisá mita hañando rason. Ta bon ku tipo di hendenan di taya manera Mocky Arends presidente di B&EA ta trese e kosnan aki dilanti. By the way awe algun foto di e bríndis di PwC su desvelo di bòrchi siman pasa na Boneiru. *** *** Pa potrèt i filmashon di bo fiesta, aktividat sosial kultural, yama Bonaire Graphic & Design òf tuma kontakto ku nos via E- mail bnnpro@hotmail. Tambe nos ta pasa kasèt VHS riba DVD. Te otro siman ku Dios ke. Skirbí pa Tico Janga. diturunpoko@hotmail 796 2020.
Posted on: Fri, 30 Aug 2013 20:03:51 +0000