DTUP pa mayan 29 yuni 2013 Bon dia Dios mediante. Amèn. Ayai tin hende straño riba e planeta aki. Nan ta lubidá ku awe ta mi i mañan ta di bo. Awe bo ta hari gosa doló di otro, pero mañan ta bo ta sufri. Riba nos página di FB nos a haña algun reakshoná loke ku nos a skirbi i nos a haña reakshon tantu personal i via mail i telefon. Mi a splika tur hende ku loke ku mi a skirbi riba mi FB no ta kos ku mi a skirbi awor for di basta aña pasá mi a skirbi e kosnan aki. Ta djis mi ta bai den mi kolumnanan bieu i saka nan. Hopi tópiko ku nos a skirbi den nos kolumna mas di aña pasá ta pasando. Loke ku nos a remarka i kuestioná ta pasando aktualmente. Dus no ta nada nobo. E kolumna aki Di Tur Un Poko /Tiki dentro di poko lo kumpli 16 aña stret ku e ta keda publiká. Di Tur Un Poko aki esun original, hopi programa tantu na radio, televishon a usa e nòmber aki bòlti’é i tin ku asta ta us’é mes pa nòmber di nan programa na televishon. Ayayai e kosnan aki ta mi sinti mi bon tòg. Nan ta roba bo kos bolt’é di tur forma, pero ta Di Tur Un Poko/ tiki tabata promé. Na Ougùstùs nos ta selebrá 16 aña stret. Un di e poko kolumna ku a keda stret anto sin pago. Hopi hende ta kere ku ainda nos ta traha na Extra. No shonnan nos no ta traha na Extra mas, nos tin kolumna den Extra pa 16 aña largu. Dentro di poko nos lo stòp si, hopi hende no ke pa nos stòp, pero ya, ta yega un kaminda ku bo ta bisa ta basta. *** Apesar ku tin tur medio i forma pa komuniká tòg nos kolumna ta keda úniko, hopi hende ke pa nan potrèt keda publiká den nos kolumna. Mi ta apresiá e kos ei un mundu. En konekshon ku e kampionato Panamerikano di Bola 9 Federashon di Biljard di Boneiru FEBIBO den koperashon ku gobièrnu di Boneiru, FWNB, TCB i MCB a koperá pa traha un Banner di promoshon di e kampionato Panamerikano Bola 9 internashonal ku ta bai tuma lugá otro luna di 9 pa 14 di yüli 2013. *** Seri del Karibe tambe ta na Boneiru di 14 pa 22 di yüli. Selekshon di Boneiru Senior league tambe ta rumbo pa Sint Maarten. Dios guia nan i representá Boneiru dignamente. Laga mi broma un tiki mi yu tambe ta forma parti di e selekshon. Awe San Pedro siman pasa no a kore un tiki San Juan durante orario di nos trabou mes mes. Nos ta trabou ta hopi noble, traha kaminda tin aktividat sosial. Manera un ginekólogo, traha kaminda otro ta gosa. Pa potrèt di San Juan bai riba nos página di facebook. *** Nos a tende di algun fiesta pero ya promotornan no ta yega serka nos i nos tampoko no ta aserka nan. Ami no ta komprondé kon den siglo 21 aki por tin promotor ku skeit i no ke aserká nos pa duna publisidat na aktividat. Kasi tur promotor ku a laga nos hasi promové nan fiesta a bai bon. Hopi fiesta i hopi pèrdida. Promotornan ta laga bandanan djafó bin bisti un paña di saku i hala kita. Pero esun ku no ke tende tin ku sinti. Hopi hende ta aserká nos puntra unda tin fiesta, mi kontesta ta simpel mi no sa, anke mi sa mi no ta bisa. Paso ta di mas ku promotornan di awa dushi. *** Awe nos ta publiká algun potrèt di selebrashon di San Juan na Rincon. Tambe algun foto di nos amiga Sharon Gonzales ku a selebrá su fiesta den gran forma ku basta amiga dushi mes. Aní suku no ta dushi asina. *** Te otro siman ku Dios ke. Skirbí pa Tico Janga. 796 2020 diturunpoko@hotmail
Posted on: Fri, 28 Jun 2013 19:06:36 +0000
Trending Topics
Recently Viewed Topics
© 2015