DUYOG! BAG-ONG ILIGAN PRESS RELEASE OCTOBER 03, 2013 ELDERLY FILIPINO WEEK GIPAHIGAYON SA CITY PUBLIC PLAZA Gi sugdan kagahapong adlawa Octobre 02, 2013 ang Elderly Filipino Week sa may City Public Plaza sa may alas 8 sa buntag ug nahuman ang maong programa sa may alas 12 ang takna sa kaudtuhon . Atol sa Elderly Filipino Week Program diin gitambungan kini sa 58 ka chapter sa Senior Citizen ning dakbayan uban sa presensya sa Office of the Senior Citizen Affairs (OSCA) nga gi pangulohan ni Mr. Alfonso Caburnay ug ang taga City Social Welfare & Development (CSWD) nga gi pangulohan ni Mam Grace Saquilabon. Sa maong programa adunay Sayaw, Balak, Kanta ug tugtug sa Rondalya ang gipasundayag sa mga Senior Citizen ning atong dakbayan engon man ang pag hatag ug ganti sa pinaka tigulang nga lolo ug lola nga mitambong sa maong okasyon . Alayon niini mi paabot sa iyang pamahayag ang Chief of Staff sa buhatan sa Mayor nga si Mr. Melchor Alquizola ngadto sa mga Senior Citizen nga tagaad gayod sa pag tagad ang katigulangan kay maoy ihimplo sa mga kabatan-unan karon ug ang benepisyo nga 20% diskwento ihatag sa tanang membro sa Senior Citizen. (ded) INVENTORY SA TANANG BUTANG NGA IYA SA KAGAMHANANG LOKAL GIHIMO SA GSO Padayong gihimo karon sa General Services Office-GSO ang actual physical inventory sa tanang butang nga iya sa kagamhanang lokal. Sumala pa ni Ginang Carla Bano sukad sa iyang katudlo-an paglingkod isip OIC sa buhatan sa GSO kaniadtong Agosto 13, 2013 iyang gimugna ang unom ka gropo sa iyang buhatan aron motutok sa pagsusi sa mga butang nga anaa sa nagkalai-laing departamento sa City Hall. Matud pa ni Mrs. Bano ila usab gisusi ang mahitungod sa acquired real property sa kagamhanan. Sa pagkakaron nahimong kausaban sa proseso sa GSO ang procurement of goods and services nga atoa na gisangon sa Bids Awards Committee ug ang sa GSO mao na lamang ang acceptance ug inspection, isip property custodian sa kgamhanan sa dakbayan sa Iligan.(ree j. altres) BUDGET PREPARATION SA 2014 GITUKI SA LOCAL FINANCE COMMITTEE Padayong gituki sa mga sakop sa Expanded Local Finance Committee ang proposed annual executive budget sa syudad sa Iligan alang sa tuig 2014. Sumala pa sa lokal nga mamahandi sa dakbayan, Ms. Louela S. Mabituin gi-andam sa iyang buhatan ang statement of income and expenditures gikan sa mga income generating nga departamento sa atong lokal nga kagamhanan, lakip na ang anaa sa special account sa real property ug business tax, pinasubay sa local taxation ug fiscal matters sa syudad. Si City Budget Officer Mrs. Marina Jumalon , sa Local Finance Committee nagkanayon, anaa sa kapin sa usa ka bilyon ang budget estimate sa syudad sa ILigan alang sa tuig 2013. Subay sa gimbut-an sa RA 7160 ang maong Proposed 2014 Annual Executive Budget sa syudad ang isumiter ngadto sa City Council sa dili pa mu-abot ang Oktubre 16, 2013 alang sa legislative action.(ree j. altres) MAYOR C REGENCIA MIHATAG OG KATAPUSANG LUGWAY SA MGA KAPITAN ALANG SA SEGREGATION Mihatag og katapusang lugway o tagal si Hon. City Mayor Celso Gomera Regencia ngadto sa mga kapitan sa 33 ka mga kabarangayan ning atong syudad alang sa paghimo ug BARANGAY MATERIAL RECOVERY FACILITY kun BMRF. Nagkanayon si Hon. City Mayor Regencia nga taman lamang karong petsa biente (20) niining bulana ang pagtukod og gambalay alang sa BMRF sa matag barangay ning atong syudad, ang kamanduan sa mayor gibuhian atol sa gipahigayong panagtagbo niadtong adlaw”ng martes petsa uno (1) ning bulan sa oktobre tuig dos mil triesi (2013) didto sa buhatan sa Solid Waste Management ning atong dakbayan. Samtang andam mutuman ug musuporta ang mga kapitan nga mitambong sa nasangpit nga panagtagbo labot sa tinguha sa mayor nga mapatuman gayud ang waste segregation o paglain-lain sa basura sa malata, di malata ug dina mapuslan. Ang kamandu-an sa mayor alang sa mga barangay official ning atong syudad pinasubay sa Sec.10 sa Republic Act 9003: subay sa provision sa RA 7160,o gitawag nga local government code of 1991.-Eduardo A. Loyola. Approved for release: Jun Lino Bacus Incharged -CIO
Posted on: Wed, 02 Oct 2013 08:15:35 +0000
Trending Topics
Recently Viewed Topics
© 2015