Desilushonnan di Ultimo Dianan Ma e Spiritu ta bisa klaramente ku den e ultimo tempunan algun lo kai for di fe, dor di paga atenshon na spiritunan engañoso i doktrinanan di demoñonan. Timoteo 4:1. Promé ku e ultimo desaroyonan di e trabou di apostasia lo tin un konfushon di fe. Lo no tin ideanan kla i definí enkuanto e misterio di Dios. Un bèrdat tras otro lo ser korumpí. . . . tin hopi ku ta ninga e pre eksistensia di Kristu i asina ninga Su Divinidat; nan no ta aseptE komo nan Salbador personal. Esaki ta un ningamentu kompletu di Kristu. E tabata e uniko Yu di Dios, ku tabata un ku e Tata for di prinsipio. Dor di djE e mundunan a ser kreá. Den ninga e enkarnashon milagroso di Kristu, hopi ta bira for di otro bèrdatnan di orígen selestial i aseptá fábulanan inventá dor di Sàtanas. Nan ta pèrdè disernimentu spiritual i ta praktiká e loke a wòrdu tresé na nan i enfatisá riba nan mente dor di e agensia di Satanas. . . . Spiritismo ta na punta di tuma e mundu koutivo. Tin hopi ku ta pensa ku spiritismo ta engaño i ilushon; pero esaki ta leu for di bèrdat.. Poder sobrehumano ta trahando den un variedat di manera, i hopi no tin un idea kiko e manifestashon di spiritismo lo ta den futuro. E fundashon pa e éksito di spiritismo a wòrdu establesí den afirmashonnan ku a wòrdu hasi for di e pulpitonan di nos tera. Ministernan a proklamá, komo doktrinanan Bíbliko, falsedatnan ku a originá for di e gañadó. E doktrina di konsenshi despues di morto, de spiritunan di e mortonan den komunion ku e bibunan, no tin nan base den Skritura, i tòg e teoria aki ta afirmá komo bèrdat. Dor di e doktrina falsu aki e kaminda a wòrdu habrí pa e spiritunan di diabelnan pa engañá e hendenan den representá nan mes komo e defuntunan. Agensianan satániko ta pèrsonifiká e defuntu i asina hiba almanan den koutiverio. Satanas tin un religion; e tin un snoa i adoradónan deboto. . . . E señalnan i maravianan di spiritsmo lo ser mas i mas proklamá segun e mundu Kristian profesá rechasá e bèrdat klaramente revelá di e Palabra di Dios i ninga di wòrdu guiá dor di un simpel Señor ta bisa, aseptando na lugá di esei e doktrinanan i mandamentunan di hende. . . . E konfederashon di maldat lo no para. Señor ta bisa: . . . ta e Señor di ehérsitonan boso mester konsiderá komo Santu; E ta esun ku boso mester teme, i E ta Esun di kende boso mester tin miedu. E ora ei E lo bira un santuario.
Posted on: Fri, 25 Oct 2013 05:22:10 +0000
Trending Topics
Recently Viewed Topics
© 2015