Di fyah is for di purification how de f#%k can you fight against fyah? When you wake up inna di morning you want a cop ah tea it’s fire right? Inna di evening you want some food it’s still fyah. So mi seh mi bun car and some man ah talk bout ‘how yuh fi bun car when you drive car?’ Do you nah understand weh mi mean, or nah overstand, when mi seh mi bun dat mean seh yuh musn’t put car in front of humanity. Dat mean yuh mussi see your brothers and sisters before you see care, cah people is more valuable than material. Bwoy if you ah gwan lak yu waan complicated and being ridiculous wid ah likkle mental capacity, mi now ahgo mek yuh know. Yuh waan mi get evil wid di fire. Well anytime I go into my car, front ah yuh drive car yuh haffi bun it cah remember when mi press gas, ah bun mi ah bun gas you know that. When mi press mi break, ah bun mi ah bun break also. When mi tun on mi ignition you know how much fyah dat inna mi engine? If I need some music and tun on mi stereo ah fyah ah gimme dat, but watch di bigga judgment - If I need some cool air condition ah fyah generate dat also. So always remember seh dat di fyah is di main source of life, mi ah pass di church and hear dem deh pon, ‘keep di fyah burning’ ah hear dem again, ‘ah little more oil in my lamp, keep it burnin’. Hear dem now God nah come back wid no water, brimstone and fyah. Now how di f#%k unuh confuse bout fyah? Di fyah is for di purification! Unuh waan know summin?! Di herb heal! But is still di fyah haffi bun di herb so di herb coulda able fi heal. Watch ya again - Di water cleanse. But ah still di fyah haffi bun di waterand purify di water so di water coulda able fi cleanse. Any man weh no have no fyah DEAD. Holy Emmanuel I, Selassie MORE FIRE!
Posted on: Fri, 05 Jul 2013 14:22:37 +0000
Trending Topics
Recently Viewed Topics
© 2015