Dijes pa bo sa kico mi a hanja awemainta 06:00 a.m.: Kompilá: djaluna 4 di novèmber 2013, 06:00 l.t. (10:00 UTC). KODIKO HEL: TIN POSIBILIDAT DI AWASERU PISA KU AWA POR YENA NA SIERTO LUGÁNAN, DURANTE MERDIA PA ATARDI TREMPAN. Tempu: Parsialmente te hopi nublá ku chèns pa un áwaseru lokal. Pa mèrdia i atardi tin algun áwaseru lokal ku posibilidat pa welek i bos òf áwaseru fuerte. Temperatura máksimo lo ta 29°C i temperatura mínimo 23°C. Solo ta sali: 06:30 i e ta baha 18:09. Bientu: Suak te moderá for di sùit te sùitwèst; forsa 2 te 3 (7 te 19 km/ora, 4 te 10 nudo). Temporalmente suak i variabel; forsa 1 (1 te 6 km/ora, 1 te 3 nudo). Situashon general: Un disturbio den nivelnan mas abou di atmósfera ta move poko poko den direkshon west i lo sigui sòru pa humedat abundante den nos region. Debí na esaki i tambe kalentamentu di tera, áwaseru por kai mèrdia i atardi trempan, tambe tin posibilidat di welek ku bos òf áwaseru pisa. Dor ku suela ta saturá, awa por yena kaminda un áwaseru moderá te pisa kai.
Posted on: Mon, 04 Nov 2013 14:54:25 +0000
Trending Topics
Recently Viewed Topics
© 2015