Dimapur ye atsala 20 kutolo peitha lukeppu tinhemugha jeli pekutsu puani: Dimapur DC Ashigheni tsalani Dimapur District Administration ye Dimapur Chamber of Commerce & Industries, Dimapur Municipal Council, Police, Supply Department, Petrol pump mpemi eno IOC lo ampemi qqo sasu Deputy Commissioner-u hiyam lono amizu ngo xukuami no peitha-pepimhe chekeu nhemugha jeli qqo lukumukha shi ani kemo keno cheju keu kukuputsa shilu. Assam lo akukupuna jeli shikeu akeu kikime lono akukuputsa shi akelo Deputy Commissioner Hushili Sema ye xukuami qqo vilo vekiphi keppu kuha ipi eno tipau pasuh lono lhidikishi mpemi qqo vilo amizu ngo anhemugha qqo pekutsu kumqo pe qhive no xukuami vepusa tsukeu shikelo ipi mijetsu. Li ye ghuttu ghi khiu nno qqo akukhhu-ayeh titoi keu pephe aghini keno mishisheyi amakho benani ipi. Tinguno alau li no pitsu keu Ashigheni kijiliu Bongaigaon lono yeghikulu 50 no amizu xapu sasu Dimapur lo ighi nani ipi tsu. Tipau gholono DC no pitsu keuno anhemugha jeli itehi pekutsu puakeu kihi jukelo Dimapur ye atsala 20 kutolo peitha lukeppu ani tighenguno xukuami qqo ye vekiphi keu shimono District Administration gholo kutubo tsulo ipi.
Posted on: Wed, 07 Aug 2013 16:36:15 +0000
Trending Topics
Recently Viewed Topics
© 2015