E 7 DONNAN DI SPIRITU SANTO Purba na splica e sabedoria cu cada dia mi ta recibi for di mi señor y tambe mi ta consulta sigur cu mi mentor.(pero schrijf fout bo ta bai haya sigur sigur) Mescos nos tin 7 pica mortal, nos tin tambe e 7 donesnan. Nos ta hende y nos gusta admira hende cu tin donnes, porehempel nos ta bisa waw e persona ei tin don di traha cu su man, of don di actuacion, of e don di canto pero nos donnan tin cu wordo usa pa sirbi nos señor, claro bo por use como bo ofishi of trabow, pero no lubida ta ken a duna bo e, dus use tambe pa sirbi nos señor. Kiko ta don? Don ta habitonan sobernatural di Dios influí den e potencia di e Alma. Jesus tambe tin e donnes nan mescos cu nos pero e diferencia ta cu Jesus tin e pa su naturalesa pero nos tin e pa su gracia! Spera di por splike lo mas mihor cu mi por! E 7 DONNAN DI SPIRITU SANTO. 1.Sabeduria : (e no ta otro cos mas cu) saboria di e cosnan divino, cosnan Di Dios. Un gusto especial pa tur cos spiritual, saboria cosnan di Dios, deleita den cos di Dios. Un persona sabio por distinqui cu e cosnan mas importante den su bida ta e cosnan cu ta relashona cu Dios.Deleita di cosnan di Dios,sa cu dios so por duna bo e berdadero goso y felisidad. 2. Inteligencia(intendimento): E don aki ta pone bo profundisa den e misterio di dios, pa asina bo por studia, Compronde y e palabara(revelashonnan cu dios a duna nos) di Dios.E ta tur cos cu tin di haber cu comprende e misterionan di Dios, dus haya sa y compronde kiko Dios kier bisa nos. Si e sabedoria ta juda nos busca cos nan di Dios e inteligencia ta juda nos compronde loke Dios kier bisa nos. 3. Don di ciencia: E ta juda nos distinqui entre e importancia cu nos tin cu duna Dios y importancia husto cu nos tin cu duna e criaturanan. Un persona cu tin don di ciencia nunca ta pone e criatura den centro di su prioridadesnan of di su curason, corda bo no por pone (ni) persona dilanti Dios, un persona cu ciencia nunca ta pone, su esposo of esposa,mama, ruman prome cu Dios. Un persona cu tin e spiritu di ciencia no ta pone centro di su bida den creatura.(tin hende ta kere astrologia, strea, planeta objecto, hasta pa kere cu hende ta bin di macaco). E spiritu di ciencia ta juda nos destingui cu nada no ta mas importante cu Dios, esei kiermen nunca e creatura por ta superior cu su creador, porehempel e pensamento di clona e serhumano. 4. Don di fortalesa: Esaki ta e forsa cu Dios ta infundi atraves di su spiritu den e homber pa e por hiba su bida te na su ultimo rosea sin desanima, e por enfrenta tur e retonan cu e por haya den su bida como un cristiaan. 5. Don di Conseho: Ta e capacidad cu e spiritu santo ta concedi na nos pa asina semper nos sa con pa decidi kiko ta bon, kiko ta mihor y loke ta agrada Dios. Tur desishon tin su risco ta pesei semper nos mester pidi spiritu santo pa quia nos den e bon caminda y pa asina nos por tuma e mihor desishon di cual semper mester na agrado di Dios, según su voluntad. E don aki bo por aplica e pa bo mes y tambe bo prohimo. 6. Don di Piedad: Piedad semper ta juda bo disfruta di e cosnan sagrado. Manera e sabeduria ta anhela bo pa e cosnan enterno cual ta di Dios y lo keda semper di Dios. Piedad ta accionan concreto cu bo ta gosa di nan. Un persona piedadosa semper ta busca di ta serca di Dios, atraves actividadesnan spiritual e gusto, amor pa cosnan santo, porehempel resa rosario, bai misa tur diadomingo, bisti un crusifigo, tin un scapulario, bai bishita nos MAMA DI ALTO VISTA, den un palabra un persona cu ta somete su mes completamente na Dios y e ta hasi orashon cu hopi devoshon. E don di piedad ta conduci bo semper na orashon,na meditashon riba e palabra di Dios y difruta abo so cu Jesus. Bo ta pone bo mes totalmente den man di Dios. 7. Temor pa Dios: No confundi temor cu miedo pa Dios. Aki temor pa Dios kiermen e miedo cu bo tin pa no ofende Dios y no faya Dios den ningun momento. Isaias 11 1-3 tin e 6 donnan y den romanos 8, 14 tin e don di piedad. Ora Santo Domingo Savio a hasi su prome comunion el a bisa e siguente palabranan: 1.Me confesaré a menudo, y comulgaré tan frecuentemente como mi confesor lo permita. 2.Deseo santificar los domingos y fiestas en forma especial. 3.Mis amigos serán Jesús y María. 4.Prefiero morir antes que pecar. Pa donnan aki por traha of funshona na e manera corecto, DIOS MESTER TA E CENTRO DI BO BIDA! Donnes ta duna afinidad na Dios: e ta wordo parti den dos parti 1. Intelectual – Intelegencia, Sabedoria, Conseho, Ciencia 2. Voluntad(parti afectivo) – Piedad, fortalesa, temor(e ta actua den e parti sentimento, y ta duna bo apetito pa asina bo entende cosnan miho!
Posted on: Wed, 27 Nov 2013 13:47:04 +0000
Trending Topics
Recently Viewed Topics
© 2015