E PERSONA ῝INTOXICÁˮ DI DIOS. Mas serca di Dios mi biba, tanto mas sensibel mi mester ta na e necesidadnan di personanan. Si acaso tin mayor sensibilidad con respecto e necesidadnan humana cu ta resumí den e Dios cu a stima mundu asina tantu? E tragedia ta cu apesar di ta creyente den Dios, hopi biaha nos ta hasi nos mes duru contra e resto di personanan sin Dios. Ora esaki sosode, ta paso tin algo hopi malo. Cu frecuensia creyentenan ta aparta nan mes di e sociedad, rechasando e ser humano paso nan ta bon cu Señor y de rest mag ῝bekijkend maarˮ. Tin ta será nan curpa den oficina wardando hende bin sercanan, en vez di ta den nan of bai buscanan. Nos no tin cu pensa cu e simpel echo cu nos ta bon den companía di Jesus, ya no mester sinti mas ternura pa e humanidad. Despues di a kana dos aña cu Jesus, Santiago y Juan kier a rechasá e hendenan, ordená pa kandela baha di shelu riba cabes di e samaritanonan (Luk.9:54-56). Asina burdugu Lidernan spiritual ta tin biaha, sin amor pa cu personanan. Bo no ta gusta ata e porta ei. Y lidernan cu actitud asina´ki, ta kere cu hende mester bishitanan iglesia. ῝Niun hende no ta pasa kaminda e ta sintié rechasá, of sin atenshon peˮ. Antes ora e sacerdotenan a terminá cu e debernan como oficialnan den e Antiguo Testamento, nan tabatin pa bisti nan paña común bek y aserca e pueblo (Eze.42:14). Meskos nos servicio na Dios mester ta pa aserca e hendenan, di otro moda lo ta un servicio bashí. Mi tin pa baha di e santuario na nivel di e personanan. Jesus a bini di su Tata bisti den karni humana y esei El a stablesé pa nos como modelo. Ora nos ta kana cu Dios, esei por hasi nos intolerante, exigente y considera nos mes mas santu cu otro nan. Esei ta nifica cu mi parti naturalesa no a capta e mente di Dios. Algo di mi kurason no a suavisa foi e toke di Su man. Mi a risibi suficiente di Dios pa stimulami mes, pero no pa ῝intoxicámiˮ of pa jenami. Nos mester ta mas cu simplemente tocá door di Dios. E personanan cu ta jená di Dios, ta esnan maraviosamente caluroso y sentimental na e necesidadnan humana. Juan e ῝yu di trueno῝ (esun bruto), mas adelanti el a convertí den e ῝apóstol di amorˮ, pero despues cu Dios a formé di tal forma cu e amor tabata brota den tur su curpa. Nos mester ta manera Pablo cu a bisa: ῝Mi ta kariñoso entre bosoˮ (1-Tesa.2:7). Pablo ta un discípulo debilitá, y su kurason ta batí tan tiernamente pa otronan. Solamente asina mi por cuminsa asercami na e ministerio como sirbidó cu Jesucristo a demostrá. ῝Ma nos tabata kariñoso meimei di boso, manera un menchi ta kuida su mes yunan ku ternuraˮ (1-Tesa.2:7). Mi ta spera cu e reflekshon aki por ta di edifikashon pa bo bida. Bo amigo y Ps. Lcdo. R. Matheo Dortalina.
Posted on: Wed, 10 Jul 2013 13:30:53 +0000
Trending Topics
Recently Viewed Topics
© 2015