EBOLA NA ISIS SONO YABENGE MAVI YAKALE NO KUNUNKHASO Vinthu ivo vangusuzga chomene mchaka ichi cha 2014 vilipo vitatu: EBOLA, ISIS kweneso PUTIN Aaaaaaah! Imwe namwe ise tikunena nkhani zeneko not Cash gate yayi - aya ni matuzi ya chenje - apa tikuyowoya nkhani zanadi. Pakuti maso ghinu ghakuwona pafupi ndicho chifukwa EBOLA mukuti yichali kusuzga. Kwene unenesko sono ngwakuti chiwelengelo chakhila mwazanadi ku vyalo ivo kuli nthenda iyi. Nthazge kuzakafika 2015 ndikokuti mankhwala yayambika kupelekeka. Sono pala tikuti ISIS tikusazga pamoza na nthumbidwa uwo izo zasuzga ku Nigeria (Boko Haram), pamoza na Somali kweneso Kenya (Al-Shabaab). Mijantcha iyi yangutitola makola chaaa ise tawaKristu. Kwene namwe mukumanya kuti kukoma nyungu nkhuzgula uko kuli chisinkho. Ndicho chifukwa tikuti mijantcha iyi sono yipulikiskenge chifukwa mala yose America yafukula. Kikkkkkkkk!! Imwe namwe kuyowoya za Boko Haram na Al-Shabaab yayi ngati ananu bana pakukholela!! Kwene ISIS iyo yasuzga ku Syria na Iraq chifukwa ndiko kwagona chinyina cha mafuta ayo yakupeleka ndalama ku mijantcha iyi. Mwanandi pala tikuyowoya naza PUTIN mbwenu mukutindikika chifukwa makutu yinu yazgowela kupulika waka za mbembe pakati pa DPP na PP kweneso za president Mzungu ku Zambia. Pala mukukhumba kumanya Putin mbwenu chikumbusko chiwemi ni ngozi ya ndege Malaysian Airline iyo yikalasika na wasilikali wa mphete ndipo yikawila ku chalo cha Ukraine. Mwalupusu tingati Vladimir Putin ni munthu uyo chifukwa cha fundo zake zakubolobodoka mbwenu vyalo va Ukraine na Russia nkhondo yikukata yayi. Kwene sono Russia wayikolonkhanya chifukwa yayambako kuthamba. Nkhani zose izi kuzakafika mchaka cha 2015 zizamuzgoka mavi yakale no kuzakanunkhaso chifukwa nthowa zake zasangika.
Posted on: Mon, 08 Dec 2014 01:44:17 +0000
Trending Topics
Recently Viewed Topics
© 2015