ELOMZALI ALIWELI PHANSI 13 Hawu sabona Vela,ngingakusiza ngani - TopicsExpress

ELOMZALI ALIWELI PHANSI 13 Hawu sabona Vela,ngingakusiza ngani mfana wami ekuseni lokhu. Kungabe umaDube uvukanjani namuhla?. NguSiziba lowo ebhoda uVela ngenkulumo ezibuzisa yena esazi ukuthi umfana wayehamba ngendaba engaka. Hayi baba Siziba izinto azihambi kahle lapha kimi,ngithe ngizekubona kesithi ukuxoxa phela mina ngangingazi ukuthi yimi engamithisa umntanakho manje baba sengisuke ngacabangisisa ngabona ukuthi ngcono ngingalahli igazi lami. Bengicela usizo baba ithumbu lami alisayenzi kahle lapha manje nxa ngihamba kuthwa angizelabhela lapha kuwe?. NguVela lowo ehlala phezu kwendaban mhlalokho uSiziba wayesebizwa ngobaba. Wathula okwemizuzu enwaya ikhanda uSiziba okomuntu owayefuna ukusuphuna inwele ezazisekhanda kanti udlamathambenqondo,uyabhala uyacitsha,uyazibuza uyaziphendula. Kwathi ngelikade wabhoboka esethi yena. Hayi ngiyakuzwa mfana wami manje uzolabhela ngani ke, kodwa ngakutshela ngathi uzayikhotha imbenge yomile mfana wami angitshongo?. Hayi watsho baba lami ngiyazisola yikho sengibuyile ngicela ungizwele?. Baxoxa ngayo leyo eyayihlupha uVela uSiziba wasesithi akahambe aphinde aphenduke ngakusisa kwakhona sebezoqeda ngayo. Wabuyela ngakibo uVela mhlalokho watshona ebhoda lomthunzi ekhaya kwathi lithambama waphuma waya enkomeni okwakuyinto ayeyiqala ngemva kweminyakanyaka. Kwamangalisa wonke umuntu owayelapha ekhaya ukwenza kukaVela. Omunye lomunye wayezibuza ukuthi ngabe uVela wayesetshintshile yini. Ngakusisa kwakhona waphindela njalo umfana koSiziba,lapho uSiziba afika amnika umsebenzi ngoba phela kwakungela ngitsho ayezalabhela ngakho wayengelamali ,engelani, enguVela nje lethumbu lakhe. Kwathiwa avukele koSiziba azebopha inkabi alime esivandeni aqede aphinde ayelima lasemasimini abiye njalo. Phoke kwakungekho ayezakwenza uVela wavuma kwazise kukhulu ayekuzwile. Ekuseni kule kungomvulo uVela laye wayesemi esibayeni koSiziba encedisana labafanyana bakhona bebopha inkabi sekuyiwa lima. Lanxa nje wayeyinyoka ivila lokucina uVela kodwa wasebenza madoda kukhulu ayekuzwile lumuntu. Lwakhala ukhwelo elima umfana ebhuquza engadlali umthole seginqe semanzi te. Wayesithi angaqeda koSiziba afike alime ngakibo. Madoda abantu bayatshintsha nango phela wayesengumpostoli uPhawuli wasebhayibhilini esephendukile umfana. Indlela eya ebhawa yake yaphumula isihanjwa nguNtondolo yedwa. Amalanga etshovana kanjalo esenza amaviki,kuguquka njalo kusiba yinyanga elamaviki uVela waqeda koSiziba wakhululwa. Ye mfana,kungabanjani kesihambe sonke kengiyekuthi isikali esisodwa phela angisabazi lobo obunathwayo ngizizwa ngomile?. NguVela lowo ezixoxela lomfana wakhe uNtondolo. Bavumelana ukuthi babezahamba bonke sekuyiwa ebhawa. Bathi abaziyo inyoni ayikukhohlwa ukukhala kwayo yikho kanye okukaVela madoda. Mhlalokho wabuhlohla waze wazikhohlwa lebizo. Babuyela ngakibo phakathi kwamabili sebeqhuba imihlambi yembuzi ezingekhoyo. Hayi ke ngithi waphinde waqala phansi into zakhe uVela lapho ke wawungafunga utshayephansi ngendololwane uthi wena ubuya ekuthwaseni. Wayesekhombisa ngitsho labafazi babantu ekhonjwa futhi hayi kancane. Wayesekhohliwe lokho okwakuke kwamehlela kwazise babeyengana lomfowabo uNtondolo.*** Asihlanganeni ngoMvulo philani bantu bakithi ngegama leNkosi uJesu Amen. Watch out 4 chapter 14 Pls like and share my page Mathanzima Dube - Writer/Ndebele Novels

IMAGINA "No podré ir. Lo siento." Esas palabras resonaban en mi

******* MAKE THIS VIRL ******* Please pay special attention to the

Our condolences go out to the police department and the families

#CAIR-MI Attorney Honored as Everyday Hero Farmington Hills,

Is life getting too fast...even for a round of golf? Sports

MAYIAN FM TRANS MARA ETONINGOTE ILAIREMOK LORKIKUAN WENKAMPUNI

EL 30 DE JUNIO ACABA EL PLAZO PARA RESERVAR EL BUS Y EL DE LAS

WOH! I FEEL GOOD! (FINALLY!!!!) SO IM GONNA BE PERFORMING AT

John McCain Long Sleeve T-Shirt by CafePress Other products

Vieram Dormir Na Minha Casa Vaii na ordem do xat 1) Não deixava

**PRESS RELEASE** May 14, 2014 12:15pm As of 11:13am today, the

The Which wrap would you choose for this outfit? Game has been the

Champions in the making? Jamie Carragher gives his Liverpool

Rules for love & life. 1. When it arrives, cherish it. 2.

Morning Heads-up for those interested in freedom. Homeland

PLEASE take some time to read this in sha Allah, Very beneficial

TO EVERYBODY THAT IS WAITING FOR A REPLY FROM ME HERE IS WHY I

An inspiring song of Declan Galbraith, tell me why why is the

Is it is possible and beneficial to apply Lean principles at Home?

In atentia tuturor celor incriminati in cazul Ionut ( version

AEROLINEAS ARGENTINAS RETOMARA LA RUTA CON UN AIRBUS DIARIO:

GRAB the most SAFEST and EFFECTIVE SUPPLEMENTS in the PHILIPPINES

. THE BIBLE AND BLACK PEOPLE THE TEACHINGS OF BISHOP DAVID