EMRE CAN ANFIELD AH!? Lallana lei tuma Liverpool in Southampton an dawr tih BBC in an confirmed ațanga ni 6 hnu lekah hei Western Morning News chuan thuthar dang hmangin min barakhaih ta tlat! Report in a tarlan dan chuan Liverpool hian German Under-21 international midfielder Emre Can manah hian £10m an pawm tawh a ni awm e. German newspaper Bild in a sawi dan phei chuan he midfielder kum 20 mi hian official in Brendan Rodgers team te hi Bayer Leverkusen ațangin a zawm dawn hnai a ni awm e. Can hian season hmasa khan competition hrang hrangah game 36 zet inlanin goal erawh vawi 3 chiah a thun. Mahse a goal thun tlem vanga sit ngawt chi erawh a ni lem lo, versatile dik tak niin full-back, defensive leh attacking midfield ah in ang rengin a khel thei vek a ni. He move hi a thleng tak tak a nih chuan Serie A lama Inter Milan nena sawizawm mek Liverpool midfielder Lucas Leiva, kum 27 tan Anfield hun tawp ințanna a ni thei mai awm e. He Brazilian hi inhliam neuh neuh vangin a hma angin starting eleven ah a regular tawh lo tih chu kan hriat vek kha. Can hian Bayern Munich second team tan bul țanin kum 2012 DFL Supercup khan a firt team debut a khel a. Nikum August ni 2 khan Leverkusen hi panin, kum 4 chhung atan a zawm a. An sawi dan chuan Bayern Munich tana lei kir leh theih tura buy-back clause an ziah tel vangin Can hi Bayern hian an duh chuan Reds hi an lakkhalh daih thei! Can agents, International Soccer Management hi Liverpool nena lo thawk dun tawh țhin, Nuri Sahin leh Samed Yesil ten Liverpool an zawm theihna atana hma lo la tawhtu kha an ni. Can a chungchang hian Liverpool supporters lam pawh a chawk phur bawk a niang Twitter lamah pawh nimin khan hetiang hian an tweet hlawm.. Really excited about the signing of Emre Can, looks like a top player that could potentially replace Stevie.. #lfc— crusey. Liverpool is about to sign Emre Can from Bayern. Young, great potential. — #mephobia Rodgers hian Basel star, 2012 a Bayern a pan hnu a hmun chang tam ta mang lo midfielder Xherdan Shaqiri, Southampton captain leh England midfielder ni bawk Adam Lallana, Sevilla Europa League-a an champ theihna atana left-back thawh hlawk Alberto Moreno te hi an main target a nih thute he te report hian a ziak tel bawk.. Chutih mek laiin Mirror ve thung chuan Liverpool hian £18 million swoop Barcelona nen neihpuia, khelh tam duh Alexis Sanchez chu lakchhuah an tum niin a lo report ve mek bawk. He Chilean forward kum 25 mi hi chuan duhtu chu a ngah ve khawpin a rinawm hrim hrim. Daily Star Sunday pawn he thu hi lo ziak vein Sanchez hian Chile tan Brazil-ah World Cup a khelh zawh hnuah he thu hi chinfel chauh tur niin a lo ziak ve bawk. Striker leh wing a khel thei Chilean star hi Udinese ațanga lalut turin Barca hian £25million lai an seng a, Nou Camp ah hian kar khatah £90k a hlawh mek a ni. © Muankima Khawlhring.
Posted on: Mon, 19 May 2014 02:38:02 +0000
Trending Topics
Recently Viewed Topics
© 2015