ENGTIN NGE CHRISTA-AH KAN THI TIH KAN HRIAT ANG LE? Misual khenbeh tur Barabba nun atang khan kan chiang thei awm e, Barabba khân a thih hnun tur chu Jail chhûnga a awm lai khân suam hmang, tualthah hmang, pâwngsual hmang ni mahse a chhût a chhûtin a mangang ve hle thin awm e, chutia mangang taka a awm lai chuan Kalvari tlâng an pan pui a, Kros-a sualna nei lo a thih ai thi a hmuh khân pawi a va ti dâwn tak êm! Kei misual hi thi zâwk ila a tha tur tiin a ngaihtuah ngei ang. Barabba kha thi ngei ngei tur a ni si a, mahse a aia fel a lo thi ta mai chu atân chuan a thih aia thi tâna nun lo chu nun dan dang a awm tawh lo. Unau Duhtak, Thlarauah chuan Barabba ang chiah hian thi tura Jaila khung ang kan ni a, nitina kan thih hun tur ngaihtuah a mangang kan ni, sipaiin Jail chhûng atangin min la chhuak se keini chuan min that tawh dawn a nih hi tiin kan mangang ngei ang a, mithi ang mai kan ni ang. Mahse, keini aia felin kan ai thih huamin lo that ta bal mai se eng rilru nge kan put ang le? Han chhût chiang chhin teh. Kan thi tawh a ni, ti raw? Kan aia thi tân chuan nun kan va hlân lêt dawn chiang em? (Barabba nge thil tisual nasa ang, nangman?)
Posted on: Mon, 19 Aug 2013 15:45:53 +0000
Trending Topics
Recently Viewed Topics
© 2015