ENN EINUSINNI Á AÐ REYNA AÐ FINNA UPP HJÓLIÐ. Margar undanfarandi ríkisstjórnir hafa skipað nefndir til að endurskoða lög um almannatryggingar. Hver nefnd hefur skilað af sér tillögum og alltaf hefur átt að endurskoða lögin og einfalda. Það hefur fátt komið út úr þessum nefndarstörfum nema pappír. Það hefur engin þessara ríkisstjórna raunverulega viljað neitt nema að "SPARA Í MÁLAFLOKKINUM" og ekki virðist hafa verið stefnt að því að bæta kjör lífeyrisþega. Þetta er svo mikil sýndarmennska hjá stjórnmálamönnum að það er ógeðslegt. Ef farið hefði verið að lögum, allan þennan tíma, þá væru kjör lífeyrisþega betri í dag. Í hruninu þá var fyrst skorið niður hjá lífeyrisþegum þrátt fyrir að alþjóðasamningar (sem Ísland er aðili að) eigi að tryggja að fyrst sé skorið niður hjá þeim sem betur standa í samfélaginu, og hinum efnaminni hlíft. Allt þetta bull í stjórnmálamönnum er ekki til að bæta afkoma lífeyrisþega heldur aðeins til að þykjast vera að vinna í málum þeirra.
Posted on: Sat, 07 Sep 2013 01:45:24 +0000