Edifisio antes jama Electronica Santana N.V., Kaya Neerlandia, Kralendijk. a kambia di nomber i bira Burger Zaken, awor mi pregunta ta keda, esaki tambe tabata un di e dealnan den e bashamentu di gobierno rood wit blauw? stranjo no? awor pregunta ta sigi, kuanto a kompre for di donjo, miembro di konseho insular a mira stukken nan, ku e deal a bia, kon a paga e debe na belastingdienst? pa ami e ta un kaso ku ta hole korupshon, basha gobienro abou, libera di debe, kisas di belasting tambe, I kisas hanja tambe un montante di si? pueblo kier sa, kon e deal aki a bia? Ta bai muda Burger Zaken for di den sentro di suidat Si tur kos kana segun plan, lo muda e servisio di registro I tur demas servisionan ku e departamentu di Burger Zaken ta ehersé, for di unda esaki ta den sentro di suidat pa un edifisio ku ta den restourashon riba Kaya Neerlandia. Esaki a keda informá mediante e reunion públiko di Konseho Insular djamars anochi. Segun por a komprondé i ta di akuerdo tambe ku esaki, e edifisio unda Burger Zaken ta ubiká aktualmente ta sumamente chikitu. Ora bo yega pa un servisio, ta kuestion di sinta manera den teater den karedanan di stul tras di otro, en espera un servisio ku hopi biaha ta lento pa skarsedat di lokètnan i ku tin komo konsekuensia ku bo ta pèrdè basta tempu. Pa kolmo na e sitio no tin espasio pa stashoná outo, ya komo ku e espasio ta asina pèrta i limitá i hopi otro personanan ku ta bai sea Telbo òf otro servisionan den besindario ta stashoná nan outo na e sitio. Esaki sin konta ku outonan di empleadonan tambe ta wòrdu stashoná na e sitio. Na Kaya Neerlandia Burger Zaken lo bai pegá ku e direktorado ku nan ta kai bou di dje ku ta e direktorado di Komunidat i Kuido, ku ta keda pabou di RCB Bank. E ofisina nobo aki ta muchu mas grandi i por spera ku e sitio pa stashonamentu di outo ta amplio i tambe ku e servisio lo bai ta muchu mas efisiente, di manera ku e klientenan no mester sinta spera pa largu tempu. Ta bini aserka tambe ku e direktorado ta huntu ku otro, ounke den dos edifisio separá, pero tòg no leu di otro. Segun e hefe di finansa di gobièrnu di Boneiru, tur kos ta indiká ku e promé siman di sèptèmber nan lo ta mudando pa e edifisio nobo aki. Riba e potrètnan por mira e edifisio di Komunidat i Kuido kolo gel, esun unda Burger Zaken lo bai keda ubiká aden ta kolo kòrá i e aktual Burger Zaken sin espasio no pa stashonamentu di outo, ni tampoko espasio paden ku por hasi e servisio mas efisiente i rápido.
Posted on: Thu, 22 Aug 2013 08:01:43 +0000