Eimi Times; Sempatni, Lhadou 24, 2013 Manipur MBBS/BDS 2013 Examination kisuh-hai lahdohna dinga KSO-GHQ ngehna Imphal, Lhadou 23(ET): MBBS/BDS kilhenna ding’a themvetna Common Entrance Test (CMT) 2013 state sorkar in asuhhaina chunga Kuki Students Organisation General Headquarters KSO-GHQ in phamo asahna aphongdoh in ahi. KSO General Headquarters Vice President (Admn) Mangcha Baite akon’a KSO thuphon in aseina’a, Common Entrance Test (CMT) 2013 themvetna hi Lhadou (June) nisim 9, 2013 ni’a chu chelha ding ahi’n, state sorkar in Lhadou (June) nisin 6, 2013 ni Cabinet kilolna’a CMT themvetna asuh-hai hi datmah umtah ahi, tin aseiye. MBBS, BDS chuleh Post Graduate courses jilna dinga Medical Council of India, Dental Council of India chuleh State leh Universities adang dang in ama ama vetsuina cheh a themvetna abol theiding’a Supreme Court in achesa Tolbol (January) nisim 15, 2013 nia thupeh anei ahi. Chuleh hiche themvetna’a Court in hetsahna aneitokah’a result kiphonglou ding ahi, tin jong aseiye. Read ET Here: bombiel/media/news/local/item/2411-eimi-times-sempatni-lhadou-24-2013.html
Posted on: Sun, 23 Jun 2013 20:32:16 +0000
Trending Topics
Recently Viewed Topics
© 2015