Entà Bòrda de Guilhamuc Casa Rural. Ja veigui Mireia que m’estimes fòrça. M’as tocat eth còr. En veir eth contengut e sustot eth ton deth tòn comentari, prumèr, è pensat en non contestar-te per aquerò de: “El peor desprecio es el no aprecio”. Dempús ac è pensat milhor e entà qu’arrés pogue pensar aquerò de: “quien calla otorga” è decidit respóner. Era mia credibilitat entà deféner era identitat aranesa non seràs tu qui me la otòrgue. Quan tu encara non auies neishut jo ja hège temps que lutaua peth reconeishiment d’aquera identitat. Sò fondador de Unitat d’Aran-Partit Nacionaliste Aranes e siguí eth sòn Secretari Generau pendent 20 ans. Sense cap tipe de petulància pogui afirmar, que es mies accions personaus, hètes en nòm d’aqueri que representaua, sigueren determinantes entà que se promolguesse era Lei d’Aran de 1990, que permetie era recuperacion des nòstes istoriques Institucions de Govèrn e arténher era petita autonomia que aué gaudim en Aran. E de fòrça d’autes causes qu’ara non vien ath cas. Bèth dia quan n’aja ganes t’explicarè coma anèc tot aqueth procés e dilhèu auràs bèra suspresa. Era istòria reau non ei tostemps coma se conde oficiauments. Cò que passe ena “recodina” non sòl formar part dera istòria oficiau. Per tot açò e pes ans que i pòrti lutan per Aran, non è cap de besonh de “mercar paquet nacionalista” segontes era tua vulgara expresion. Eth mèn “paquet” ja ei fòrça gran sense bensonh de remercar-le. Çò que digui aué respècte a Aran e ath Pòble aranés ja ac diguia en an 1977. Jo non è “cambiat de camisa” coma d’auti, que se ben auien tot eth dret a d’aqueth cambi, òc que s’en pòt qüestionar era sua credibilitat. Parlar en ua o iauta lengua non otòrgue credibilitat. En tot cas era credibilitat s’obten damb çò que se ditz. E pera part de qui respon s’obten debatint e argumentant sus er ahèr a debat. Non “cercant era net pes armaris” entà confóner e distrèir as que participen deth debat. Non ei a jo a qui cap de vosati podetz dar-me leçons sus er emplec der aranés. Hèr comparatiues damb d’autes institucions e cargues polítics aranesi me situarie molt per dessús dera mieja nacionau. Però aguest ei iaute debat que quan volgues podem abordar. En aguest debat de País emplearè, coma considèra convenient, es quate lengües enes que pogui expresar-me. Er objetiu ei que i poguen participar era major part des aranesi sigue quina sigue era sua lengua abituau. Non voleria que eth debat se limitèsse a bèra èlit aranesa parlant que dèisheisse de costat as auti, tamben, aranesi. Era Democràcia l’a cau assomir damb totes es conseqüéncies. O Non?.... Meter a debat aguesta qüestion deth Dret d’Autodeterminacion deth Pòble aranés ¿ei utilitsar-la coma arma electorau? ¿de quines eleccions? Non ei massa inteligent pera tua part voler desvirtuar un seriós debat sus eth futur deth Pòble aranés damb arguments tan pòc consistents. Eth Baile de Les, qu’encara sò jo, penje en balcon dera Casa dera Vila eth dia 6 d’Agost, hèsta Nacional de Bolivia eth drapèu d’aqueth Estat ath costat des drapèus oficiaus. Ei un petit aumenatje as vesins deth nòste pòble que son d’aquera nacionalitat. Aquerò ei ua clara manifestacion de que eth mèn nacionalisme aranés non ei excluient e molt mens raciste. Aguesta cita tua a d’aguesta qüestion me decepcione e me preocupe fòrca. Meter a debat eth Dret d’Autodeterminacion deth Pòble aranés e dar era mia opinion de en quin moment serie bon exersir-le ¿ei voler enganhar a quauqu’arrés? ¿Vòs díder que non as “cables crotzadi”. Estimada mia ?. ¡Aué non ei eth tòn dia! ….. Sabes molt ben qu’eth mèn partit non ei eth PSC-PSOE. Eth mèn partit ei UNITAT d’ARAN-PARTIT NACIONALISTE ARANES. En PSC e en PSOE è fòrça coneishuts e amics. Coma n’è en ERC, en CDC, en CDA, en UDC, en IC-V-EUA, en PP e en d’auti partits extra-parlamentaris. Jo çò en contra e publicament crític damb toti es plantejaments polítics que non respècten eth democràtic Dret d’Autodeterminacion des Pòbles. Venguen deth partit polític que venguen. E ademès ac sabes. Per çò que non sò capaç d’enténer eth tòn comentari ath respècte. Se m’ocorrís que dilhèu cò que pretenes a iauta intencion qu’arren a que veir damb era qüestion que jo meti a debat públic….. En darrèr paragraf deth tòn comentari queden pro clares es tues, legitimes, intencions. Non ès guarie originau. Aguesta “cantinela” se ven escotant en totes es darrères campanhes electoraus municipaus. Es electors no se l’an creiguda en cap d’eres. Dilhèu auries de cambiar de discurs se coma diden es mèns collaboradors vòs ester Baile de Les. De totes formes es Eleccions Municipaus son en an 2015. Ei massa lèu entà començar era campanha. Eth Pòble de Les, peth dessús dera tua opinion, auançe, maugrat es dificultats, fòrça ben damb er esfòrç de toti. Tamben dera iniciatiua privada e des Associacions. Per cèrt era de Hemnes de Les dera que tu ès Presidenta: “Chapeau”. En diuèrses ocasions è felicitat e aplaudit es vòstes iniciatiues. Utilisar aguesta associacion coma “trampolin” entà èster Baile de Les, non creigui sigue massa bona idea. Dilhèu moltes d’aqueres hemnes de bona voluntat que aué formen part dera associacion, se daran de baisha se se sentissen utilizades. Ei solet ua reflexion……. En conclusion: En tòn comentari, en lòc de parlar e dar era tua opinion sus era qüestion deth Dret a Decidir deth Pòble aranés,que ei çò que pòt importar-les as que mos seguissen en aguest hilat sociau, te dediques a voler desvirtuar eth debat rebaishant-le intelectuauments a nivèus infantils. Es que mos legen preneran nòta e se’n formaran era sua opinion des tues intencions. Ua abraçada.
Posted on: Tue, 29 Oct 2013 19:32:38 +0000
Trending Topics
Recently Viewed Topics
© 2015