FACEBOOK CEO, MARK ZUCKERBERG KHAWSAK CHHOH DAN DUHAWM CHU: Sources : Business insider : August 2 ..............Tunkar, Facebook second quarter hlawhna chu a san ber tum a ni hial ang. Mark Zuckerberg mi hausa ber ni turin Fb hian nitinin a pawt hnai tial tial a ni ber e. ..............Tunah hian hlep a neih chu $ 33.1 billion niin, khawvela hausa ber 16na a ni mek a ni. ..............Harvard school dropout Mark chuan fb hmangtu mi 2.2 billion te hnenah tihtak zeta lawmthu a sawi thu a sawi a, Khawvela mite tanpuina atana mi thilphal ber te zinga mi hi nun nuam takin a khawsa vel mek a ni. A NIH DAN (NUNDAN) PHUNG TLANGPUI CHU 1. May 14, 1984 khan White Plains, New York ah a lo piang a, a bul hnai maia khaw pakhatah a unau 3 te nen an chhungkua chu an cheng a ni. A pa, Dental Office ah kum 12 a nih atangin Atari Basic hmangin thu inthawnna program siam a lo zir tan tawh a ni. 2. Zuckerberg hi Phillips exeterAcademy ah a kal thin a, chutihlai pawh chuan music streaming platform lo siam tawhin AOL leh Microsoft ten an duhthu lo sawi tawh mahse atitawp ta thuai a ni. 3. Kum 2002 khan Harvard ah lutin a thil thiam em avangin hriat a hlawh nghal a. Kum khatna a kal zo chiah tihin a dorm (muthona) room atangin Facebook hia siam chhuak ta a ni. 4. Harvard school a bansan hma lawk khan tuna a nupui Priscilla Chan nen hian intawngin, Chan pawhin Mark a duhzia sawi nan College bansan pawh a lo inhuam ve hial a ni.May 19, 2012 khan an innei a, Chan pawh Medical lamah a graduate ve chiah a, mahse inneihna avangin Graduation day lam kal an thulh thung lawi a. 5. Italy-a Five star-ah honeymoon hmangin room, zan khatah Euro 800 man an luah a ni. December apiangin karhnih hun chhung zin khawthawn ziah an in tiam a, China-a Chan-i chhungte tlawhin an zin fo bawk. 6. Ui a hming Beast tia an koh chu an vulh bawk. (Tlat mai a, a hming ber kher chu?) 7. Kum 2005 khan FB hmangtute hi mi 5.5 million zet an ni hman . Accel Venture atangin $ 12.7 million zet a dawng hman bawk. 8. Kum 2010 a lo in her meuh chuan hauhsakna chuan a um tak tak a ni ta ber mai. Mihausa 400 zingah 35na -ah Forbes chuan an hlangkai hman der bawk. Steve Job Apple CEO aiin a hausa hman a nih chu !. 9. IPO (technology) chanchina hlawhtling ber $ 16 billion chu kum 2012 May 18 khan a rawn tlin chho a ni. 10. Kum 2013 chuan a hausak tak vang nge hlawh atan $ 1 chiah kum khatah a la thung. Mahse share erawh a hmu teuh thung ang. 11. Russian PM leh President lo ni tawh Dmitri Medvedev leh US President Obama te chu a tlawhin a kawm fo thin ani. 12. Chinese Artist Zhu Zia chuan Singapore-ah Zuckerberg pualin Exhibition, Tha face of Facebook a buatsaih sak. 13. Mi chapo lo tak, mahni in show ngailo Zuckerberg hian motor naran ve tak a khalh mai mai a ni. Mi inngaitlawm, nunnem tak a ni tlat thung. 14. He khawvel changkanna leh hmasawn nan thawk hle mahse, mi tanpui nan thilpek uar tak a ni tlat lawi si. Siicon Valley Community Foundation ah half billion zet a pe a, Newark, New Jersey, public school system tih changtlun nan a thawh ngheng bawk. 15. In lama sumdawng chi chuan a thenawm a in 4 lai chu a lei a, sak a siam thata hralh leh a tum chu Zuckerberg chuan lei sak vekin a neitu ngai te a luahtir leh thlap hlawm zu nia. Amah hi chu 5000 sq ft a lian in-ah a cheng a. San Francisco ah S 10 million man in a lei belh bawk. 16. Hausa in nuamsa hle mahse, (hoodie) kawrlum lukhuhna awm (jumper) kan tih ang mai mai hi a inbel tlangpui a sin !!! Unau, nag leh kei ni ila chuan kan hawicham phian lawng maw ????? Simple man, high thinking. Mark Zuckerberg an Hoodie a in bel. a hnunglama hi lukhuhna a awm trat.
Posted on: Sat, 02 Aug 2014 16:23:12 +0000
Trending Topics
Recently Viewed Topics
© 2015