FOAKI KE HIKI HAKE…’A HAI? Kapau koe taumu’a ‘etau mo’ui FkKalisitiane ketau HANGEE TOFU KOE ‘ULUNGAANGA ‘O SISU (to be like Christ/ to be Christlike!), pea ‘oku taau leva ke tau tootooivi hono study Hono ‘ulungaanga ‘o fa’ifa’itaki kiai, ‘ihe TATAKI KITAUTOLU ‘E HONO LAUMALIE MA’ONI’ONI (he ‘oku ‘ikai ‘aupito lava ‘eha taha ia ‘I mamani ‘o fa’ifa’itaki e ‘ulungaanga ‘o Sisu ‘I ha’ane feinga malohi pe ‘a’ana, ka kuopau ke te fuofua fkivia kita ‘ehe Laumalie Ma’oni’oni KIMU’A pea te te toki lava leva ‘o ohi mai e ‘ulungaanga ‘o Sisuu ke te fai mo ia ‘e kita. Vakai aa kihe fu’u poto moe fu’u ‘ofa ‘ae ‘Otua ‘eNe ‘ai ke ‘oua na’a lava ‘eha taha he mamani ‘o tu’u ‘I Hono ‘ao ‘o polepole tokua na’ane lava’I ‘o fa’ifa’itaki e to’onga mo’ui moe ‘ulungaanga fkSisu ‘I he’ene feinga lahi pe ‘a’ana!!). Koe TEFITO’I ANGAHALA LAHI TAHA, talu mei he kamata’anga, koe ‘AFUNGI pe HIKISIA (pride, arrogance, haughtiness), he koe FUOFUA ANGAHALA ia na’e ‘uluaki hoko, koe ‘afungi’aki ‘e Lusefaa hono fk’ofo’ofa hoihoifua, tu’umalie, koloa’ia, mohu mafai, lakanga pe tu’unga ma’olunga he kau ‘angelo, mo hono poto lahi. Neongo koe ‘u me’a fk’ofo’ofa kotoa pe ia, pea ‘oku ‘aonga lahi foki ketau ma’u moe ngaahi me’a koia ke tokoni ki he’etau mo’ui ‘I mamani, ka na’e hala lahi ‘a Lusefaa ‘ihe ‘ene HIKISIA /TAUHI ‘AITOLI ‘AKI PE KITA/ ‘AFUNGI/ FIE MA’OLUNGA (self-idolatry) ai – koe tupu’anga ia ‘oe Angahala kotoa pe! Koe foaki ‘oku ‘IKAI ke ‘ulungaanga ‘aki ‘e Sisu: 1. Koe foaki ki ha taha ke hiki hake ai kita ki ‘olunga. ‘Oku tau ‘ilo’I lelei pe koe taimi lahi taha ‘o ‘etau foaki ‘oku te fai ‘oku ha’u fktaha ma’u pe ia mo e ongo ‘I hoto loto moe fkkaukau ‘I hoto ‘atamai ‘oku te ngali tu’umalie nai, pe haa atu koe tokotaha ‘ofa kita, pe tokotaha lelei… 2. Ko ‘ete foaki ‘ihe ‘ofa mo’oni moe loto lelei, pea hili ha taimi mei ai kuo te toe nofo ‘o fkkaukau kiai, pea ake leva e loto hikisia ‘ia kita, PE, ko ‘ete toe fktomala ‘o te fk’amu ke toe fkfoki mai ‘ete me’a na’e foaki…. 3. ‘Oku si’isi’I ‘aupito ketau fakatokanga’I e si’I tokotaha koia ‘oku fai kiai ‘ete foaki. Koe lea ‘human dignity/ value’ ‘oku ‘ikai keu ‘ilo lelei hano fkTonga totonu, ka ‘oku ou tui ‘oku ofiofi pe he ‘ngeia, pe mahu’inga’ ‘o ‘ikai ‘uhinga kiha mafai langilangi, ka ‘oku ‘uhinga kihe ‘ngeia’ ‘oe tangata ‘oku kehe ia meihe faga manu, pe koe mahu’inga ‘oe tagata koe me’a mo’ui pea hilioo he me’a fktupu kotoa ‘ae ‘Otua, ‘oku tatau pe moe mahu’inga ‘oe tangata kotoa pe ‘I mamani, ‘ikai ha taha ‘e toe ma’olunga/geia lahi ange… ‘Ihe ha’ofanga faikava, ‘oku ou fk’ofa’ia ma’u pe he tokotaha ‘oku ha’u ‘o kole pa’anga mai, tau pehee pe ko Tevita, hono toutou uki mo kaikaila’i ‘ihe loto faikava ketau “LUKU MAI MA’A TEVITA pe TOKONI MAI KIA TEVITA!!!” lolotonga koia ‘oku si’I tangutu pe ‘a Tevita ai!!...Mole ke mama’o keu fakaanga’I ha taha heni pe ha kalapu, he ‘oku tau takitaha fai pe e me’a ‘oku tau a’usia fklaumalie/fk’atamai, ka ko ‘eku fie poupou pe eni mo fkmaama kiate koe ‘oku ke lau koe KALISITIANE koe/pe koe kau muimui ‘o Kalaisi: KO Sisu TOKOTAHA pe ‘na’a Ne fai e foaki he loto haohaoa (Godly perfect heart), pea HE’IKAI ke mio’I hifo e level ia koia ke tau tala ai ‘oku ma’a haohaoa ‘etau foaki ‘o hangee ko ‘eNe foaki, kae’oua kuo toe FANAU’I FO’OU hoto laumalie ‘E IA! Neogo ‘e hau’u ai e ng ‘ahi’ahi moe fkkaukau kovi, ka ‘oku malava ‘ehe tokotaha kuo Fanau’I Fo’ou ‘o kole kihe Laumalie Ma’oni’oni ke Ne malu’I hoto loto mei he ‘ahi’ahi mai kete angahala…Koia ai, ‘oku lelei p eke te fanafana holo pe he kaungaa faikava kenau ‘ilo e ki’I feinga pa’anga ‘oku fai pea taataanaki fklogologo pe ‘o toki mono atu kia Tevita. ‘E kakato e fiefia ‘a Tevita ‘I he’ene ma’u e pa’anga na’a ne kole mai, k ate ne toe ongo’I foki ‘oku kei lava pe ‘o sio hangatonu mai ‘ikai mo’ulaloa ki he kitautolu koeni ‘oku tau foaki atu… ‘Oku ‘ikai foki taau kitautolu kau Kalisitiane ketau toe talanoa mo tala holo na’a tau foaki kia hai mo hai, he koe me’a ia kuo te pahia he fanogo ai he ng feohi’anga faikava hono tala ai pe e lahi e ‘ofa na’atau taataanaki ‘o foaki ki fee mo fee, ma’a hai mo hai…Koe laumalie totonu eni ‘oe Tevolo HE ‘OKU ‘IKAI KOE LAUMALIE TOTONU IA ‘O KALAISI!!! Seuke, ‘oku ‘iai e taimi lahi ia ‘oku ‘ikai ai lava ke te fkfufuu ‘ete foaki, pea fk’ofo’ofa pe ia kapau koe family pe maheni ofi, ka ko ‘eku ‘uhinga pe kihe dignity ‘oe kakai ‘oku kole mai ka ‘oku ‘ikai ke te fu’u maheni mo nautolu, pe koe kaki ‘oku kole mai ‘ihe ha’ofanga ‘oe kakai kehekehe, ke te toe kanga ange ‘o malu’I si’onau geia/dignity ‘o hangee tofu pe ko ha’ate fk’amu kenau fai pehee mai kia kita ‘I ha’ate kole… My friends, koe ‘UHINGA TOTONU IA NA’E MATU’AKI FKMAMAFA’I mai ai ‘e Sisuu ke ‘OUA NA’A TAU FOAKI FAKAHAAHAA, pea ‘OUA NA’A ‘ILO ‘E HOTO NIMA HEMA E FOAKI ‘A HOTO NIMA MATA’U’, ‘o ‘uhinga ke fai fklogologo pe, pea ka hili ‘ete foaki pea te FKNGALOKI LEVA KE ‘OUA TE TE TOE MANATU KIAI HE KUOPAU KE NE ‘AHI’AHI’I KITA!!! Toutou fktokanga mamafa ‘a Sisuu ketau ‘aa, kau Kalaisitiane, ‘o sio ‘aki e mata fklaumalie KE TE SIVI ‘AKI ‘E KITA ‘ETE NGAA TO’ONGA KIHE KAKAI KEHE…fai kia nautolu o TATAU TOFU PE moe to’onga ‘oku te loto kenau fai mai kia kita… Koe poupou atu ia ka ke toki fklaulauloto ai he Folofola ‘a Sisu he topic koeni he ‘e koe lahi ange ho taimi ‘e tuku kiai koe lahi ange ‘e ne toe maama ange ‘a me’a na’e ‘uhinga totonu mai kiai ‘a Sisu….’Emeni. In Christ
Posted on: Sun, 07 Jul 2013 08:52:27 +0000
Trending Topics
Recently Viewed Topics
© 2015