Fiha Bo Wowonan riba Futuro I E lo seka tur lágrima kita for di nan wowo; i lo no tin morto mas; lo no tin lamento mas, ni yoramentu, ni doló; e promé kosnan a pasa. Revelashon. 21:4. Den e dianan mas skur di su konflikto ku maldat, e iglesia di e Dios bibu a haña revelashonnan di e propósito eterno di Yehova. Su pueblo a wòrdu pèrmití pa mira mas aya di e pruebanan di presente pa e triunfonan futuro, ora, e guera a ser kumplí, e redimínan drenta den posishon di e Tera Primintí. E vishonnan di e futuro gloria aki, esenanan pintá dor di e man di Dios, mester ta apresiá pa Su iglesia awe, ora ku e kontroversia di e siglonan rápidamente ta serando i e bendishonnan primintí pronto lo wòrdu realisá den tur nan plenitut. Hopi biaha e iglesia militante ta yamá pa sufri prueba i aflikshon, pasobra e iglesia no ta pa triunfá sin un konflikto severo. Pan di atversidat i awa di aflikshon ta e destino komun di tur; pero niun ku pone nan konfiansa den esun Poderoso pa liberashon lo keda kompletamente aplastá. . . . Bistí ku e armadura di hustisia di Kristu, e iglesia ta drenta den su konflikto final. Mes bunita ku luna yen, mes puru ku solo, mes teribel ku un ehérsito ku emblema, e tin ku bai padilanti den henter e mundu, konkistando i pa konkistá. E ora di mas skur di e lucha di iglesia ku e podernan di maldat ta esun ku ta bin inmediatamente promé ku e dia di su liberashon final. Pero niun ku ta konfia den Dios tin motibu pa teme. . . . Pa nos ku ta para na rant di nan kumplirnentu, di ki momentu profundo, interes bibu, ta e deliñashon di e kosnan ku tin ku bini, eventonan pa kua, desde ku nos promé mayornan a bira lomba pa Eden, Dios Su yunan a wak i warda, spera i resa! . . . E nashon di e salbánan lo no konosé niun otro lei ku no ta e Lei di shelu. Tur lo ta kontentu, famia uní, bistí ku pañanan di alabansa i gradisimentu. E streanan di mainta lo kanta huntu i e yunan di Dios lo grita di goso, miéntras Dios i Kristu lo uni den proklamashon, Lo no tin piká mas; ni tampoko lo no tin morto mas.
Posted on: Wed, 30 Oct 2013 08:53:55 +0000
Trending Topics
Recently Viewed Topics
© 2015