Fjórir kjarnar góðs lýðræðis er upplýsingageymd, upplýsingahögun, upplýsingaaðgengi og upplýsingamiðlun. Upplýsinga-Geymd táknar að allar upplýsingar eru geymdar, hversu lítilfjörlegar sem þær kunna að virðast, því lítið atriði í dag gæti velt stórri þúfu síðar og mannfólk hefur þörf fyrir smáatriði, sérstaklega þegar rannsaka þarf. Upplýsinga-Högun snýst um hvernig upplýsingum sé raðað saman og hvernig þeim sé leyft eða gert kleift að tengjast innbyrðis. Hér getur sveigjanleiki skipt máli því engin sköpun né úrvinnsla getur farið fram á grundvelli upplýsinga nema hægt sé að „tengja punkta.“ Því þarf að vera hægt að geyma og tengja upplýsingar með skipulögðum hætti. Upplýsinga-Aðgengi snýst um aðgengi allra, ekki bara valdhafa, embættismanna og fræðimanna, heldur borgaranna allra. Eigi Ríkisborgari Þjóðveldis að geta mótað afstöðu á Héraðsþingi, eða til samfélagsmála, þarf hann að geta aflað áreiðanlegra upplýsinga, geta gramsað eftir hugtökum, nöfnum og atburðum, geta tengt saman punkta og án þess að þurfa til þess sérstakt leyfi. Ekki þykir eðlilegt í lýðræðissamfélagi að halda upplýsingum leyndum er varða samfélagið. Upplýsinga-Miðlun vekur stóra spurningu. Því eðlilegt er að velta fyrir sér hvort lýðurinn eigi rétt á að upplýsingum sé miðlað til sín? Ætti ég sem borgari að treysta öðrum til að matreiða valdar upplýsingar, eða dulmat á þeim, og þeim síðan miðlað til mín? Hverju væri sleppt? Get ég verið ábyrgur ríkisborgari nema bera mig sjálfur eftir upplýsingum - sem væru aðgengilegar - eða ætti að matreiða sumt fyrir borgarann og miðla því en þá eftir reglum sem við þjóðin mótar? Endureist Þjóðveldi stefnir á að starfrækja Upplýsingastofnun til að sinna þessum þáttum. Hvernig finnst þér að þeir ættu að vera?
Posted on: Tue, 23 Jul 2013 11:02:28 +0000
Trending Topics
Recently Viewed Topics
© 2015