GINNA A MIHANGSANTE THUAKNA: Zan nitaklam in Library ah History of Christianity laibu nih hiam kava sim zual a, ka paper gelhdek a hon panpih theiding note khenkhat ka lak ut man in. Early Church hunlai a Christian masa ten Roman Empire nuaia ana thuakdan uh leh huai banga bawlsiatna ana tuahlai ua le taise mailou a, sih tanpha a ana ginom dan uh kava simkha a, thupi kasa in ka khasiat lam bang hongsuak theidek mawk hi. Lawmte khenkhat ana sim ut bang i om khak leh hiai ah neukha kon gelhkhe zek di. Saptuam heutu Peter kichi sihdan: Vuaktang in a koih ua, chiangpum leh khauhual in kizep huan uhi. Huchi in singzawl khat a khih in khaikang ua, zep chihtak in zep lai uhi. A tawp in a taksa mun tamtak apan a guhte hong dawk khe seusuau ta ua...huchi in Na Ginna na taisan leh kon khah ding uh chi uhi. Aman sihtan pha a thuak telzaw ahihdan a gentak in, vinegar tui in a taksa hon buak ta uhi. A liamna ma te tuithuk leh tui-al in puan toh dapsak uhi. Huaitan ale a nungkik utlouh takin meisel hon de ua, pumhaal pahlou in, a taksa ka hiang tuamtuam te a banban in hon halsak ta uhi. Pumhaal le uh sipah kha ding a chih ziak uh ahi. A taksa a min gawp takin Hunta sa ahi ngei dinga, a muan Pathian in tangtawn tawldamna ah pilut ta hi. Gingtu khenkhat lah vuaktang in koih ua, a gamsung a sing lian penpen te kiangah tonpih uhi. Huai sing kahiang (branches) te machine/sakol kangtalai te zang in kaikuun suk ua, khauhual in gingtute khe toh khit belh uhi. A khe langkhat tuak ua a khihkhit chiang un huai sing kahiangte hon khahta ua, gingtute taksa mipite muh in ki thehdalh ziohzoih mai hi. Mun khenkhat ah gingtu tamlua ahihman in huaidan in bawl senglou ua, queue a dingsak in a ngawng uh baan tansak ziahziah mai uhi. A temsau zat uh bang kise gawp zou hial sek a, executioner te bangle gim zoulua ahihman un, a shift in kikheng hial uhi. Nero ngial in, nitak chianga a huansung (garden) tanvaktu dingin Christiante human torch in ana zang hi!! Huchitan in leng, lau leh liing a om mailou in, lungmuanna toh lungkim leh kipahthu genkawm in sihna ana pom ua.... aw...Pa kiang a tun chiang un bangzahta in nuam a sa ding ua..... Tertullian in The blood of the martyrs is the seed of the Church ana chi a...tuni a Biakin nuam taktak a, nuamsa taka iki khop theihzel khawng ahi dingmah isa kha ding e.....
Posted on: Thu, 14 Aug 2014 16:18:31 +0000
Trending Topics
Recently Viewed Topics
© 2015