Ghileqhi 29 xakuthha lo puthugho ani, kucho-kumqo nani: ACAUT Dimapur, Ghileqhi 30 (SZN): Nagaland lo asuqha jeli ihulo keu vecheo alaghi jeli lono xukuami puqah-punnu akeu lachile eno mujochile nike Action Committee against Unabated Taxation (ACAUT) no xukuami loputsu tsuni ke Ghileqhi 31 tsalani inaqhe ayi 9:30 lo City Tower kitah lono kucho-kumqo akeu lo khami no akupughu shimo mikeu shivea ipi uyewu shi akeu eno aghalomi khami no akupughu lo wu kelo ipi lakhu akeu kikime lono ACAUT ye kimchhi kutsuh khami tsu. “ACAUT ye Ghileqhi 29 tsalani xakuthha lo puthugho ani eno Ghileqhi 31 tsalani kucho-kumqo keu kupughu ye shinani. Tighenguno xukuami qqo ye kiumu avehu izzu keu kuha no akupughu lo ighi tsulo. Yehpeka ye hokumxa lo sukusho lukumkha shi tsu moayesa” ipi ACAUT no akiyye lono pih. ACAUT no akupughu shi akeu NSCN (IM) no lakhu keu ghenguno Ashigheni tsalani aqqo-aho lo alayeh mi Hekhevi Achumi no atou shino ACAUT lo kihimpemi panno 5 sasu NSCN (IM) Ato Kilonser ngo Steering Committee Member qqo sasu akuputsa shilu keu ACAUT kihimpemi kutami qqo lau kusaje. Ikemu Ghileqhi 29 tsalani xakuthha shive keu vecheo ACAUT ye kiu-kiu shimu kucho-kumqo keu kupughu shini keu shivea ipi akiyye lono pih. ACAUT kupughu lo GPRN/NSCN Kukumusu Action Committee against Unabated Taxation (ACAUT) no akupughu shino Ghileqhi 31 tsalani xukuami no kucho-kumqo niye akeu ye Nagami kumutssu kivipu ghenguno shi aghi panongu ghi kutubo tsu nani ipi GPRN/NSCN no pih. “Ikemu ACAUT lo kihimpemi khiuana no luthu vehuppu-kimji lono akupughu hipaqqo shi aghi aye tiye kutubo tsumula nani” ipi thepiu lono kusutsa lu kelo Akato Chophy, MIP Kilonser, GPRN NSCN no piqah. Tipau gholono pano pikeu no hitoi keu kiuana aghi namu lakukhha momu aqha kupughu shino xukuami ithi kemi-mutha kemi kumtssu xukuqha anikeu no akhottou shimo no akiviu lono kuputsa luve keu akiviu ipi.
Posted on: Wed, 30 Oct 2013 17:02:52 +0000
Trending Topics
Recently Viewed Topics
© 2015