Gituohang kawatan gipusil paa nasabak Ni Darrel A. Carumba/WC (Banat) | Updated July 21, 2013 - 12:00am CEBU, Philippines - Naangol ang 16 anyos nga gituohang kawatan human kini pusila sa tag-iya sa balay nga iyang gisaka didto sa barangay Magdugo siyudad sa Toledo niadtong Biyernes sa alas 11:00 sa gabii. Ang biktima nga naangol mao si Roger Celin,16, nagpuyo sa Das C.C. Lutopan Toledo City ug ang gitumbok nga nakapusil kaniya mao si Arnulfo Abellar, hingkod, nga iya ra usab nga silingan. Si PO1 Emanuel Aragon sa Toledo City Police Station mibutyag sa Banat News nga ang biktima misulod sa pinuy-anan sa suspek. Kini sa iyang pagtuo nga nangatulog na ang tagbalay. Apan sa didto na kini sulod sa balay, namat-an kini sa suspetsado kinsa mikuha sa iyang armas de fuego ug giluthang makaduha ka higayon ang biktima. Ang biktima nga nakabantay, midagan kini apan naapsan gihapon sa bala ug nasabak sa walang bahin sa paa. Gumikan niini nahigmata usab ang mga silingan sa suspek hangtud nga gitabangan og kulata ang biktima nga maoy naabtan sa kapolisan.Si Abellar daling miikyas pahilayo human sa hitabo ug padayon pang gipangita sa kapolisan. Samtang ang biktima gidala dayon ngadto sa tambalanan ug gipaatiman kini sa DSWS. (BANAT NEWS) philstar/balita/2013/07/21/993681/gituohang-kawatan-gipusil-paa-nasabak
Posted on: Sat, 20 Jul 2013 21:29:43 +0000
Trending Topics
Recently Viewed Topics
© 2015