Glefsur úr Vísbendingu: „Umræðan um ofurlaun og græðgi er tiltölulega ný af nálinni hér á landi (sjá einnig 31. tbl. Vísbendingar 1999). Satt að segja var Pandóruboxið ekki opnað fyrr en Fjárfestingarbanki atvinnulífsins (FBA) greindi frá launagreiðslum til stjórnenda bankans fyrir árið 1999 á aðalfundi fyrirtækisins árið 2000. Þá voru meðallaun fjögurra framkvæmdastjóra bankans um 1,4 milljónir á mánuði (sjá einnig 9. tbl. Vísbendingar 2000). Margir urðu orðlausir enda komu slík laun flestum spánskt fyrir sjónir, ekki síst í ljósi þess að bankinn hafði verið búinn til af ríkinu árið 1998 og var enn í meirihlutaeigu þess á fyrri hluta ársins 1999. Eitthvað var minna um „undarlegar tilfinningar" þá og einn af hugmyndafræðingum Samfylkingarinnar sagði um bankastjórann: „Bjarni í FBA er aflaskipstjóri nútímans, nútíma Ásgeir á Guðbjörginni", þ.e. hann sómdi sér vel á kortinu. Þá var reyndar „nýja hagkerfið" í öllum sínum blóma með tilheyrandi væntingum. Margir brostu í kampinn yfir því að feita kettinum hefði verið hleypt út enda er almennt álitið að launakröfur stjórnenda hafi rokið upp í kjölfarið.“ (Vísbending – Græðgi á Íslandskortinu, febrúar 2003).
Posted on: Fri, 05 Jul 2013 15:30:07 +0000