God’s Window (Ifasitela likaThixo) Chapter 7 “Pheza pheza chomee nanti eli lady selixhuzulula, asimsizeni bo” Lalikhuluma elinye iphoyisa lomxhosa, selimatasatasa lisondeza umbheda ngaphansi kwenyawo zikamaNdloe, elinye lagijima layemkulwini leza lengqamu. Kuthe elakuqala lakhwela embhedeni, lathatha ingqamu kumkhula walo lasika intambo umaNdloe ayezibophela ngayo. “He he he why licheery izihilela kabuhlungu kangaka, ayindlela yokufa le” Laphinda lelopholisa libabaza isenzo sikamaNdloe. “Maybe ubona sebanjiwe thus why. Kodwa uShaggy uthi izibhamu zakhe uzifihle ngaphansi kwalumbheda, angiboni nix lapha” Laphendula elinye lamapholisa lilokhu liphakamisa izinto kuleli flat lidinga izibhamu zikaShaggy. Amanye amapholisa ayematasatasa esenza umaNdloe lokhu abakuthi yifirst aid. Wayesaphila yena kodwa kusele udokoza nje. Laphinde labuza leliya pholisa elaliphakamisa izinto, lilokhu lifuna izibhamu zikaShaggy. “Seliyibizile i-ambulance na? Mfondini iyothatha uShaggy emotweni, asikhombe impu (imibhobho yakhe), yakhe” Laphuma elinye lamapholisa leza loShaggy efakwe insimbi enyaweni lasezandleni. Ekufikeni kwakhe kwathiwa azikhuphe izibhamu zakhe lezo. Esangabaza yayisifikile imota ethwaliziguli, wathathwa umaNdlo esefakwe isigxingi sokuphefumula, yagijima laye leyo mota isiqonda esibhedlela esikhulu iHelen Joseph. Amapholisa ayeze endlini kamaNdloe ezofuna izibhamu uShaggy ayethe wazibeka khona. Eqinisweni lubaba wayemqambela umaNdloe, okwakubahlanganisa ngumzimba kamaNdloe lo ayewuthenga. Lezozibhamu wayezingcina ekamelweni lomtanakhe oyintombazana ezigebhele phansi. Beza kwamaNdlo ngemva kokubana uShaggy ebanjwe ngamapholisa ngayizolo edubula umtshina wokucofa imali yestandard Bank le eseDoornfontein, kuthe ngokuphenyisisa kwatholakala ukuthi nguye obehlasela amanye ama bhanga eStandard. Uthe sebuzwa ngezibhamu zakhe wathi ezinengi zakhona uzingcina eflathini likamaNdloe. Lokhu wakutsho engafuni amapholisa ahlukumeze imuli yakhe. Sekutholakele ukuthi wayeqamba amanga watshaywa waze waliveza iqiniso, ingakho amapholisa asuka aya laye kwakhe, zayotholakala lezozibhamu, amagrenade, umuthi wokudubula amahola, amakhadi abantu ebhanga, amaphasipoti lezithupha zabantu, lokunye okunengi nengi okungekho emthethweni. NgakunaNowethu, imota yeziguli yagijima laye yaze yayakuma eHelen Joseph. Lanxa wayebonakala nje engani ngumuntu osedlule emhlabeni lwalusasele udokozana, wafika wangeniswa kwenye indlwana okungcinwa khona abantu abagula kakhulu. Besama tasatasa ngaye odokotela, kwangena esinye isiguli, laso esasibonakala siphatheke kakhulu, entanyeni lapha sasivuvukile njalo intamo yaso ingazathi itshekele eceleni. Beza abanye odokotela bazo botobotoza lesi sigulani, saxhonywa imitshina emikhulu yokuphefumula, safakwa amanzi, leminye imitshina eminengi negi laphe ntanyeni. Ngemva kwesikhatshana nje kwasokuzwakala ubu nti, nti, isisebenza leyo mitshina. Laphela iviki lakuqala lezi zigulani ziphatheke kakhulu, kodwa kwathi sokulanda eyesibili zaseziqalile ukucwayi cwayiza, baqala odokotela ukususa kancane kancane imitshina. Kusezeka konke lokhu, kulobaba owayefika azebona izigulani lezi, wayehlala njalo nje eziphathele amaluba abomvu, afike awaxhome emakhanda wembheda yomabili kubonisa ukuthi wayebathanda kakhulu laba bantu bubili babo. Omongikazi basebembiza lubaba ngokuthi ngu Zuma bethi ngoba elesithembo. Zahamba insuku, aphela amaviki zaphela lezinyanga, izigulani zaya zisibangcono kodwa kwasokubonakala ukuthi unaNowethu wayengeke aphinda ahamba ngezakhe inyawo kuthi umaNdloe yena wayeselahlekelwe zingqondo, kukanti lesisu lesi sasisiya sikhula kubonisa ukuthi wayezithwele. Lafika ithuba lokuthi baphume esibhedlela, mhla bephumayo weza usaNowethu ezobathatha bubili babo. Wayengeke aze amtshiye esibhedlela umaNdlo ngoba wayethwele umtanakhe ongumfana. Kwahanjwa ke unaNowethu ehleli kulokhu okuyinqola okusetshenziswa ngabagogekileyo, umaNdlo yena wayehamba ebhabhayisa loba yini ayibonayo.
Posted on: Wed, 06 Aug 2014 13:52:32 +0000
Trending Topics
Recently Viewed Topics
© 2015